ԵՐԵՎԱՆ 12 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30 173,86 դրամ ԱՐԾԱԹ - 391,48 դրամ ՊԼԱՏԻՆ - 13 796,31 դրամ

Թուրքիան և Ադրբեջանը ցանկանում են ջնջել մեր անցյալը, քանի որ ցանկանում են արդյունքում ոչնչացնել մեր ապագան. Ամերիկայի Հայ դատ

Ամերիկայի հայկական ազգային կոմիտեի գործադիր տնօրեն Արամ Համբարյանը հայտարարություն է տարածել Շուշիի ազատագրման օրվա կապակցությամբ:

Հայտարարությունում մասնավորապես նշվում է.

«Փաստն այն է, որ Թուրքիան և Ադրբեջանը ցանկանում են ոչնչացնել Հայաստանը:

Դա ցավալի ճշմարտություն է:

Դառը իրականություն:

Սակայն դա է մեր իրականությունը:

Այժմ և տեսանելի ապագայում:

Անկարան և Բաքուն փորձում են գրավել Արցախը, քանի որ նրանք ձգտում են քայքայել Հայաստանը:

Նրանք աշխատում են մեր սփյուռքը ոչնչացնելու ուղղությամբ, քանի որ ցանկանում են խոցել մեր հայրենիքը:

 

Նրանք փորձում են ջնջել մեր անցյալը, քանի որ ցանկանում են արդյունքում ոչնչացնել մեր ապագան:

Նրանք թիրախավորում են յուրաքանչյուր հայի, հայերի գոյությունը, այս մոլորակում մեր տեղը:

Ինձ և քեզ: Մեր քույրերին ու եղբայրներին: Երիտասարդներին ու ծերերին:

Բոլոր կուսակցություններից և յուրաքանչյուր քաղաքական տեսակետից:

Երկրի բոլոր անկյուններից` Հայաստանից, Արցախից և Ջավավախքից մինչև Ամերիկա, Եվրոպա, Ռուսաստան և Մերձավոր Արևելք: Առանց բացառությամբ:

Այնպես, ինչպես 1915-ին: Այնպես, ինչպես 1988-ին:

Դա ժամանակակից, բազմամիլիոն դոլար արժողությամբ արշավ է՝ ուղղված ցեղասպանության գործն ավարտին հասցնելու համար:

Փոխվել է նրանց զենքը, սակայն ոչ նպատակները. նրանք ցանկանում են՝

-գրավել Արցախը,

- դատարկել մեր հայրենիքը

- և ոչնչացնել մեր սփյուռքը:

«Մենք չունենք նրանց չափ պետական եկամուտներ կամ նավթային արդյունաբերությամբ ստացված դոլարներ, սակայն մենք ունենք ավելի հզոր զենք.

-մեր պատիվը,

-մեր հպարտությունը,

-մեր հավատը,

-մեր կամքը:

Մենք՝ յուրաքանչյուրս, դեսպան ենք մեր ազգի համար…

Եկեք միավորվենք և ցույց տանք մեր ուժը»:

 


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 65%
Քամի՝ 12 կմ/ժ
12 C°
 
10°  19° 
22.10.2020
  20° 
23.10.2020
Հարցում

Կճանաչվի՞ արդյոք մոտ ապագայում Արցախի անկախությունը: