Հայաստանում հաստատված դեպքերի թիվը հասել է 3860-ի. ապաքինվել է ևս 72, մահացել՝ 1 քաղաքացի

• 14.05.2020, 11:21
•  Աշխարհ,  Հայաստան

Հայաստանում մայիսի 14-ի, ժամը 11:00-ի դրությամբ հաստատվել է կորոնավիրուսային հիվանդության ընդհանուր 3860 դեպք, որոնցից 1572-ն` առողջացած: Այս մասին նշված է ՀՀ ԱՆ հիվանդությունների վերահսկման և կանխարգելման ազգային կենտրոնի կայքում: 

Աղբյուրի փոխանցմամբ՝ այս պահին փաստացի բուժում է ստանում 2218 պացիենտ: Ընդհանուր առմամբ, կատարվել է  36 016 թեստավորում: Այսպիսով` մեկ օրում կա կորոնավիրուսային հիվանդությամբ հաստատված 142 նոր դեպք և 72 առողջացած։

Ընդհանուր առմամբ, կորոնավիրուսային հիվանդությունից արձանագրվել է մահվան 49 դեպք՝ վերջին մեկ օրում՝ մեկ դեպք: 

ՀՀ առողջապահության նախարարությունից հայտնում են, որ մահացած պացիենտը եղել է 81  տարեկան տղամարդ և ունեցել է ուղեկցող քրոնիկական հիվանդություններ։