ԵՐԵՎԱՆ 0 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30 049,87 դրամ ԱՐԾԱԹ - 387,97 դրամ ՊԼԱՏԻՆ - 15 272,88 դրամ

«Մենք ենք, մեր սարերը»` արցախյան հողի և ժողովրդի արմատների արյունակցական կապի խորհրդանիշը

onewaytour.com

«Մենք ենք, մեր սարերը» հուշարձանն Արցախի ամենահայտնի խորհրդանիշներից մեկն է: Այն  շատերին հայտնի է «Պապիկ-տատիկ» (արևմտահայերեն՝ Մամիկ և Պապիկ) անվանումով:

Տուֆակերտ կոթողը գտնվում է Ստեփանակերտ քաղաքի մուտքի մոտ՝ բարձր բլուրի վրա:  Տեղադրվել է 1967 թվականին: Քանդակագործն է Սարգիս Բաղդասարյանը, ճարտարապետը՝ Յուրի Հակոբյանը։  Քանդակը պատրաստված է կարմիր տուֆից։ Այն խորհրդանշում է արցախյան հողի և ժողովրդի արմատների միջև արյունակցական կապը, ինչպես նաև ընտանեկան արժեքների և կյանքի պահպանման նկատմամբ արցախցիների անկոտրուն կամքը: 

Ղարաբաղցի «տատիկն ու պապիկը ...

Հուշարձանն իրենից ներկայացնում է ավանդական տարազով տարեց ղարաբաղցի ամուսինների, որոնք  ուս-ուսի տված, հպարտ ու անհողդողդ կեցվածքով ու սևեռուն հայացքով քաղաքի մուտքի մոտ ընդունում են հազարավոր այցելուների։

Կոթողը պատվանդան չունի։ Տպավորություն է ստեղծվում, որ լեռնաբլուրը ճեղքվել է, և նրանք այդ ճեղքից բարձրացել, կանգնել են՝ ոտքերը ամուր դրած հայրենի հողի մեջ։

Քանդակը «Մենք ենք, մեր սարերը» անունով է կնքել հայ գրող, պատմաբան, պատմական գիտությունների դոկտոր, բանաստեղծ, արձակագիր, դրամատուրգ  Բագրատ Ուլուբաբյանը:

Արցախի անվանի ճարտարապետներից մեկի՝ Մամիկոն Ֆարսյանի խոսքով՝ հուշակոթողը շատ դժվարին պայմաններում է տեղադրվել: Սովետական Ադրբեջանի ղեկավարությունը դեմ է եղել հուշակոթողի շինարարությանը: Ավելին՝ բողոք է բարձրացվել Ստեփանակերտ քաղաքի մերձակայքում այդ քանդակը տեղադրելու առթիվ։ Սակայն, չնայած այդ ամենին՝ արցախցիների անկոտրում կամքի շնորհիվ այն վերջիվերջո տեղադրվել է և դարձել քաղաքի այցեքարտը։

Այն Ստեփանակերտի մուտքի մոտ որպես հուշարձան ունենալու գաղափարը կյանքի է կոչվել այդ տարիներին Լեռնային Ղարաբաղի մարզխորհրդի գործկոմի նախագահ Մուշեղ Օհանջանյանի անմիջական մասնակցությամբ:

Հուշարձանը հանդիսանում է երկարակյացների պատվին կառուցված աշխարհի առաջին հուշարձանը: Այլ կերպ, այս կոթողը անվանում են նաև Երկարակյացների հուշարձան:


Եղանակ
Երևան
Պարզ երկինք
Խոնավություն՝ 62%
Քամի՝ 5 կմ/ժ
0 C°
 
-2°   
28.11.2020
-1°   
29.11.2020
Հարցում

Կճանաչվի՞ արդյոք մոտ ապագայում Արցախի անկախությունը: