ԵՐԵՎԱՆ 13 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Հանրային բաց վայրերում դիմակ չունենալու դեպքում քաղաքացիները կտուգանվեն 10 հազար դրամով

Hetq.am

ՀՀ Ազգային ժողովը երկրորդ ընթերցմամբ և ամբողջությամբ ընդունեց կառավարության կողմից ներկայացված օրենքի նախագիծը, որով մասնավորապես առաջարկվում է ավելի մեղմ պատժաչափ սահմանել ազատ տեղաշարժման պայմանները, պահանջները խախտելու համար: «Արմենպրես»-ի հաղորդմամբ՝ Վարչական իրավախախտումների վերաբերյալ օրենսգրքում լրացում եւ փոփոխություն կատարելու մասին օրենքի նախագիծը կառավարության կողմից հրավիրված ԱԺ արտահերթ նիստում ստացավ  87 կողմ ձայն:

Նախագծով, մասնավորապես, առաջարկվում է Վարչական իրավախախտումների վերաբերյալ օրենսգրքի 182.3-րդ հոդվածը լրացնել նոր մասով՝ հետևյալ բովանդակությամբ՝ արտակարգ իրավիճակի հիմքով հայտարարված արտակարգ դրության ընթացքում ազատ տեղաշարժման պայմանները, պահանջները խախտելն առաջացնում է տուգանքի նշանակում` սահմանված նվազագույն աշխատավարձի տասնապատիկի չափով: Այժմ գործում է միայն մեկ պայման-պահանջ: Այդպիսի պահանջ է հանրային բաց տարածքներում դիմակի առկայությունը, որը չի նշանակում, որ անձը պարտավոր է կրել դիմակը, պարզապես բավարար է, որ անձն իր մոտ ունենա այն:

Այսպիսով, հանրային բաց վայրերում դիմակի առկայության պահանջը խախտելը կառաջացնի 10 հազար դրամ տուգանքի սահմանում՝ նախկին 100 հազարից 250 հազարի դրամի փոխարեն: Իսկ մեկուսացման և ինքնամեկուսացման կանոնների խախտման համար սահմանված տուգանքի չափը շարունակում է մնալ նույնը:

Առաջինից երկրորդ ընթերցմամբ քննարկման ընթացքում նախագծի վերաբերյալ ստացվել են առաջարկներ «Բարգավաճ Հայաստան» խմբակցությունից, «Իմ քայլը»-ից Նիկոլայ Բաղդասարյանից, Սուրեն Գրիգորյանից, Վլադիմիր Վարդանյանից: Դրանց հիման վրա նախագիծը խմբագրվել է: Այսպիսով այդ առաջարկների հիման վրա սահմանվել է, որ հետադարձ ուժ կիառվի, և առաջարկվող դրույթը կիրառվի նաև նախկինում կիրառված տուգանքների վրա: Մինչև այժմ եղել են անձինք, որոնք ազատ տեղաշարժի պայմանները, պահանջները խախտել էին և տուգանվել օրինակ 100 հազար դրամով: Հիմա ոստիկանությունը եռամսյա ժամկետում կվերանայի այդ դատական ակտերը և կսահմանի 10 հազար դրամ վարչական պատասխանատվություն:

ԲՀԿ-ից Գևորգ Պետրոսյանը նկատեց՝ հաջողվել է կոմպրոմիսային տարբերակով գալ ընդհանուր հայտարարի, ինչի համար շնորհակալություն հայտնեց:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 30%
    Քամի՝ 0,51 կմ/ժ
    13 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: