ԵՐԵՎԱՆ 20 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 522,8 դրամ ԱՐԾԱԹ - 283,15 դրամ ՊԼԱՏԻՆ - 12 789,74 դրամ

Մենք առավել քան պարզ արտահայտվել ենք՝ չենք հանդուրժելու սպառնալիքն ու ուժի կիրառումը. ԱԳ նախարար

ՀՀ արտաքին գործերի նախարար Զոհրաբ Մնացականյանը վստահեցնում է, որ հայկական կողմը բոլոր մակարդակներում առավել քան պարզ արտահայտվել է, որ չի հանդուրժելու հակառակորդի կողմից սպառնալիքը, ուժի կիրառումը: «Արմենպրես»-ի հաղորդմամբ՝ Մնացականյանն այս մասին ասաց ԱԺ-ում կառավարության անդամների հետ հարց ու պատասխանի ժամանակ՝ պատասխանելով «Բարգավաճ Հայաստան» խմբակցության պատգամավոր Սերգեյ Բագրատյանի՝ Ադրբեջանի կողմից վերջին շրջանում ձեռնարկվող դիվերսիոն գործողություների մասին հարցին։

«Մենք առավել քան պարզ արտահայտվել ենք, որ սպառնալիքը, ուժի կիրառումը չի հանդուրժվելու»,-ասաց Մնացականյանը:

Նա վստահեցրեց, որ  հայկական կողմը մշտապես աշխատում է ԵԱՀԿ Մինսկի խմբի համանախագահության շրջանակներում և համանախագահների հետ անմիջապես: «Վստահեցնում եմ, որ առավել քան հետևողական է Հայաստանի քաղաքականությունն այն մասով, ինչ վերաբերվում է սպառնալիքի և ուժի կիրառման մերժմանը` այն կոնտեքստում, որ մենք առավել քան պատրաստ ենք դրան արձագանքել»,-ասաց Մնացականյանը:

Նա շեշտեց՝ Հայաստանն ունի իր հետևողական քաղաքականությունը՝ բոլոր հարցերով, ինչ վերաբերվում է խաղաղ կարգավորման մոտեցումներին, այն հարցերին, որոնք վերաբերում են մասնակցությանը խաղաղ կարգավորման գործընթացում և այն հարցերին, որոնք վերաբերում են համապատասխան միջավայրի ստեղծմանը խաղաղ գործընթացի համար: «Սա ասված է, սա արտահայտված է, սա դիրքորոշում է և հետևողականորեն տարվում է առաջ՝ բոլոր մակարդակներով՝ լինի բուն բանակցային գործընթացը, թե մեր ներգրավումները բազմակողմ, երկկողմ մակարդակներով՝ մեր գործընկերների հետ: Կոպիտ ասած՝ մենք շատ հստակ գիտենք ինչ ենք ասում, շատ հստակ ասում ենք, և կարիք չունենք դրան լրացուցիչ անտեղի էմոցիոնալ գույներ տալու»,-վստահեցրեց ԱԳ նախարարը:


Ամենաընթերցվածը

օրվա

շաբաթվա

ամսվա

Եղանակ
Երևան
Պարզ երկինք
Խոնավություն՝ 45%
Քամի՝ 10 կմ/ժ
20 C°
 
21°  33° 
09.07.2020
21°  31° 
10.07.2020
Հարցում

Համարո՞ւմ եք արդյոք Գագիկ Ծառուկյանի դեմ իրականացվող գործողությունները քաղաքական հետապնդում: