ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Չինաստանը մտադիր չէ մասնակցել զինաթափման մասին Ռուսաստանի և ԱՄՆ-ի հետ բանակցություններին

RIA.ru

Չինաստանի կառավարությունը մտադիր չէ մասնակցել զինաթափման մասին Ռուսաստանի և ԱՄՆ-ի հետ բանակցություններին: Այս մասին հայտարարել է Չինաստանի ԱԳՆ պաշտոնական ներկայացուցիչ Հաու Չունինը, հաղորդում է ՏԱՍՍ-ը:

«Մենք բազմիցս հայտնել ենք մեր դիրքորոշումը: Չինաստանը մտադիր չէ մասնակցել Ռուսաստանի և ԱՄՆ-ի հետ այսպես կոչված եռակողմ բանակցություններին»,-ասել է նա:

«Վերջին տարիներին ԱՄՆ-ը դուրս է եկել մի շարք միջազգային համաձայնագրերին, այդ թվում Միջին և փոքր հեռահարության հրթիռների ոչնչացման մասին համաձայնագրից, զենքի առևտրի մասին միջազգային պայմանագրից, Գործողությունների համապարփակ համատեղ ծրագրից, Բաց երկնքի մասին պայմանագրից, իսկ այժմ քննարկում են միջուկային փորձարկումների վերսկսման հնարավորությունը: Երբ նման երկրի պաշտոնական դեմքը խոսում է բարի կամքի բանակցությունների մասին, դա անհեթեթություն է»,-հավելել է դիվանագետը:

Ավելի վաղ ԱՄՆ սպառազինությունների հսկողության հարցերով նախագահի հատուկ ներկայացուցիչ Մարշալ Բիլինգսլին հայտնել է, որ այս ամիս բանակցություններ սկսելու շուրջ համաձայության է հասել ՌԴ ԱԳ փոխնախարար Սերգեյ Ռյաբկինի հետ, և Չինաստանը ևս հրավիրված է:

Bloomberg-ը՝ հղում անելով ԱՄՆ Պետդեպի անանուն ներկայացուցչին, հայտնել է, որ Ռյաբկովն ու Բիլինգսլին բանակցություններ կվարեն հունիսի 22-ին Վիեննայում: Գործակալությունը նշում է, որ Վաշինգտոնը չի բացառում, որ բանակցությունների ժամանակ կքննարկվի Ռազմավարական հարձակողական սպառազինությունների հետագա կրճատման և սահմանափակման միջոցների մասին պայմանագրի (ոչ պաշտոնական անվանումը՝ СНВ-3) երկարաձգման հնարավորությունը:  


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 27%
    Քամի՝ 0,51 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: