Հայաստանի ներքաղաքական զարգացումները միջազգային հանրության ուշադրության կենտրոնում են
Հայաստանի Հանրապետության դատախազությունը մտադիր է բողոքարկել Երևանի ընդհանուր իրավասության դատարանի որոշումը՝ մերժելու Գագիկ Ծառուկյանին կալանավորելու վերաբերյալ Ազգային անվտանգության կողմից ներկայացված միջնորդությունը: Այս մասին ասվում է ԱԱԾ կողմից հրապարակված տեսանյութում:
Խորհրդարանական երկրորդ ուժի՝ «Բարգավաճ Հայաստան» կուսակցության ղեկավարի կալանավորման միջնորդությունը հնարավոր դարձավ խորհրդարանում վերջինիս պատգամավորական անձեռնմխելիությունից զրկելուց հետո: Նա մեղադրվում է ընտրողներին կաշառք տալու, կաշառք ստանալու, ընտրությունների ժամանակ բարեգործության արգելքը խախտելու կամ ընտրողի ազատ կամքի իրականացմանը խոչընդոտելու հոդվածով։
Ծառուկյանը պնդում է, որ քրեական գործը շինծու է և կապված է հունիսի սկզբին իր կողմից արված այն հայտարարության հետ, որ կառավարությունը ձախողվել է բոլոր ոլորտներում ու 100 տոկոսով պետք է փոխվի:
Հայաստանում համաճարակի պայմաններում ներքաղաքական ակտիվ զարգացումները հայտնվել են նաև միջազգային հանրության ուշադրության կենտրոնում:
Ստեղծված իրավիճակի կապակցությամբ մտահոգություն է հայտնել «Միասնական Ռուսաստան» կուսակցությունը, որի գործընկեր է հանդիասանում «Բարգավաճ Հայաստանը»:
«Ելնում ենք նրանից, որ ժողովրդավարական պետություններին բնորոշ քաղաքական մրցակցությունը չի իրականացվելու անօրինական մեթոդներով, և ցանկանում ենք մեր հայ գործընկերներին շուտափույթ ելք այս կոնֆլիկտից, որը հնչեղություն է ստացել Հայաստանի Հանրապետության սահմաններից դուրս», - ասվում է կուսակցության պաշտոնական կայքում հրապարակված հայտարարության մեջ:
Եվրոպական ամենամեծ և ամենազդեցիկ քաղաքական ուժի՝ Եվրոպայի ժողովրդական կուսակցության ղեկավար Դոնալդ Տուսկն էլ հանդես էր եկել հետևյալ թվիթերյան գրառմամբ. «ԵԺԿ-ն անհանգստացած է Հայաստանում ժողովրդավարության հետընթացի բազմաթիվ դեպքերով: Մենք կոչ ենք անում Հայաստանի իշխանություններին զերծ մնալ ընդդիմության վրա ճնշում գործադրելուց»:
«Մենք կոչ ենք անում Վեհաժողովի նախագահին և Եվրոպայի խորհրդի անդամ երկրների կողմից իրենց պարտավորությունների կատարմանը հետևող հանձնաժողովի զեկուցողներին հնարավորինս շուտ ձեռնարկել համապատասխան քայլեր և շատ ուշադիր հետևել, որ ժողովրդավարական չափորոշիչները պահպանվեն Հայաստանի իշխանության կողմից», - ասվում է Եվրոպական պահպանողական և ժողովրդավարական դաշինքի կողմից տարածված հայտարարության մեջ:
Գագիկ Ծառուկյանի շուրջ տեղի ունեցող զարգացումներին անդրադարձել է նաև միջազգային մամուլը՝ այդ թվում նաև հիշատակելով, որ ընդդիմադիր գործչի նկատմամբ քրեական գործին նախորդել էր վերջինիս կողմից Նիկոլ Փաշինյանի կառավարության հասցեին հնչած կոշտ քննադատությունը:
«Վերջերս Ծառուկյանը մեղադրեց վարչապետ Նիկոլ Փաշինյանին և նրա կառավարությանը՝ տնտեսությունը խեղաթյուրելու և կորոնավիրուսային համաճարակի դեմ պայքարը տապալելու մեջ», - գրում է բրիտանական Reuters-ը:
BBC-ի ռուսական ծառայությունն էլ, անդրադառնալով Գագիկ Ծառուկյանի և Նիկոլ Փաշինյանի հարաբերություններին, գրել է. «Փխրուն հաշտեցումը տևեց մոտ մեկուկես տարի և ավարտվեց հանկարծակի. հունիսի 5-ին գործարարը հանդես եկավ հայտարարությամբ, որում կառավարության աշխատանքի արդյունքները գնահատեց որպես տապալված և պահանջեց նրա հրաժարականը»:
«Իրավական գործողությունները տեղի են ունեցել Ծառուկյանի և իշխող «Իմ քայլը» դաշինքի, մասնավորապես՝ վարչապետ Նիկոլ Փաշինյանի միջև սուր կոնֆլիկտից ավելի քան մեկ շաբաթ անց», - գրում է eurasianet-ը՝ հավելելով. «Նույնիսկ այն բանից հետո, երբ Փաշինյանը 2018-ի գարնանն իշխանության եկավ երկրի երկարամյա օլիգարխներին արմատախիլ անելու խոստումով, նա յուրատեսակ պայմանավորվածություն ձեռք բերեց երկրի ամենահարուստ մարդկանցից մեկի՝ Ծառուկյանի հետ»:
Հայաստանում տեղի ունեցող ներքաղաքական զարգացումների համատեքստում France24-ն անդրադարձել է նաև Հայաստանում համաճարակաբանական պատկերին՝ մեջբերելով Փաշինյանի կողմից երկրում առողջապահական ճգնաժամը որպես դժոխք որակելը:
«Փաշինյանի կառավարությունը սուր քննադատության է ենթարկվում համավարակին դեմ քայլերի համար, ինչի արդյունքում հիվանդանոցներում տեղ չկա », - գրում է ֆրանսիական պարբերականը:
Երկրում տեղի ունեցող ներքաղաքական զարգացումներում ժողովրդավարության նորմերի, օրենքի գերակայության պահպանումը շատ կարևոր է՝ այդ թվում նաև երկրի միջազգային հեղինակության և դերի տեսանկյունից: Այսօր Գագիկ Ծառուկյանի շուրջ տեղի ունեցող զարգացումներում այդ նորմերի խախտումը, նման հնչեղ քրեական գործում քաղաքական պատվերի մասին խոսող յուրաքանչյուր, նույնիսկ՝ ամենաչնչին, փաստ կարող է էական վնաս հասցնել երկրի հեղինակությանը:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 58%
Քամի՝ 0,51 կմ/ժ