ԵՐԵՎԱՆ 5 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ՄԱԿ-ում Իսրայելին նախազգուշացրել են պաղեստինյան տարածքների բռնակցման ծանր հետևանքների մասին

Պաղեստինյան տարածքների բռնակցումն անօրինական Է, և Իսրայելը պետք Է հրաժարվի նմանօրինակ պլաններից: Այդ մասին հունիսի 29-ին Ժնևում հայտարարել Է ՄԱԿ-ի մարդու իրավունքների հարցերով գերագույն կոմիսար Միշել Բաչելետը, հաղորդում է ՏԱՍՍ-ը:

Բաչելետն ընդգծել Է, որ բռնակցումն աղետալի հետևանքներով Է հղի պաղեստինցիների, Իսրայելի և ընդհանուր առմամբ տարածաշրջանի համար:

«Բռնակցումն անօրինական Է»,-նշել Է Բաչելետը՝ Իսրայելին կոչ անելով՝ «անսալ իր սեփական նախկին ավագ պաշտոնատար անձանց ու գեներալներին, ինչպես նաև աշխարհում բազմաթիվ ձայների, որոնք նախազգուշացնում են այն մասին, որ չպետք Է գնալ այդ վտանգավոր ճանապարհով»:

«Բռնակցման ստույգ հետևանքները հնարավոր չԷ կանխատեսել,-արձանագրել Է գերագույն կոմիսարը:-Բայց նրանք, ամենայն հավանականությամբ, աղետալի կլինեն պաղեստինցիների համար, Իսրայելի համար և ավելի ընդարձակ տարածաշրջանի համար»:

Բաչելետի խոսքով, բռնակցման փորձը «ոչ միայն լուրջ վնաս կհասցնի տարածաշրջանում երկարաժամկետ խաղաղության հաստատման ջանքերին, այլև, ամենայն հավանականությամբ, հավիտենական կդարձնի և կխորացնի մարդու իրավունքների լուրջ խախտումները, որոնք բնութագրում են հակամարտությունը տասնամյակների ընթացքում»: Նա նախազգուշացրել Է, որ բռնակցումը «չի փոխի Իսրայելի պարտականությունները որպես օկուպացնող տերություն այն բնակչության նկատմամբ, որը գտնվում Է բռնազավթման ներքո՝ մարդու իրավունքների բնագավառում միջազգային հումանիտար իրավունքին համապատասխան»:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 56%
    Քամի՝ 2,06 կմ/ժ
    4 C°
     
    21°  10° 
    30.03.2024
    19°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: