ԵՐԵՎԱՆ 16 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30 579,43 դրամ ԱՐԾԱԹ - 397,63 դրամ ՊԼԱՏԻՆ - 14 207,84 դրամ

ԵԱՀԿ Մինսկի խմբի համանախագահները շեշտել են՝ հակամարտությունը չունի ռազմական լուծում

ԵԱՀԿ ՄԽ համանախագահները (Իգոր Պոպովը ՌԴ-ից, Ստեփան Վիսկոնտին Ֆրանսիայից և էնդրյու Շոֆերը ԱՄՆ-ից) առանձին-առանձին և համատեղ տեսակոնֆերանսներ են անցկացրել Հայաստանի և Ադրբեջանի ԱԳ նախարարներ Զոհրաբ Մնացականյանի և Էլմար Մամեդյարովի հետ՝ հունիսի 29-30-ին՝ քննարկելու տարածաշրջանում հանրային առողջության իրավիճակը, ԼՂ հակամարտության ներկայիս դինամիկան և խաղաղ գործընթացի հաջորդ քայլերը: ԵԱՀԿ գործող նախագահի անձնական ներկայացուցիչ Անջեյ Կասպրշիկը նույնպես մասնակցել է այս քննարկումներին:

Համանախագահները շեշտել են խաղաղության տանող և սուբստանտիվ բանակցությունների համար նպաստավոր միջավայրի խթանման և պահպանման կարևորությունը: Նրանք դրական են գնահատել տեղում առկա հարաբերական կայունությունը և բավարարվածություն են հայտնել, որ կողմերը շարունակում են օգտագործել առկա ուղիղ հաղորդակցության ուղիները՝ էսկալացիայից խուսափելու համար: Հղվելով 2019թ. մարտի 9-ի իրենց հայտարարությանը, այնուամենայնիվ, համանախագահները մտահոգությամբ նշել են, որ վերջին պռովոկատիվ հայտարարությունները, ռազմատենչ հռետորաբանությունը և հնարավոր քայլերը, միտված շոշափելիորեն փոխելու իրավիճակը տեղում, կարող էին վնաս հասցնել կարգավորման գործընթացին:

Համանախագահները շեշտել են, որ հակամարտությունը չունի ռազմական լուծում: Նրանք կոչ են արել կողմերին լրացուցիչ քայլեր ձեռնարկել՝ ամրապնդելու հրադադարը և պատրաստելու հանրություններին խաղաղության: Համանախագահները նաև շեշտել են Գործող նախագահի անձնական ներկայացուցչի գլխավորությամբ մշտադիտարկման առաքելության վերականգնման հրատապությունը՝ պայմանների թույլ տալուն պես:

Համանախագահները և ԱԳ նախարարները պայմանավորվել են մեկ այլ համատեղ տեսակոնֆերանս անկացնել հուլիսին և հնարավորինս շուտ անձամբ հանդիպել:

այլ նյութեր այս թեմայով


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 35%
Քամի՝ 2 կմ/ժ
16 C°
 
10°  21° 
27.10.2020
10°  20° 
28.10.2020
Հարցում

Կճանաչվի՞ արդյոք մոտ ապագայում Արցախի անկախությունը: