Քիմ Քարդաշյանն իր միլիոնավոր հետևորդներին կոչ է անում աջակցել Հայաստանում փոքր բիզնեսին

• 07.07.2020, 10:15
•  Աշխարհ,  Հայաստան,  Սփյուռք

© Sputnik / Асатур Есаянц

Իրապատում-շոուի աստղ և հաջողակ գործարար Քիմ Քարդաշյանը սոցիալական ցանցերի իր միլիոնավոր հետևորդներին կոչ է արել աջակցել փոքր բիզնեսը Հայաստանում՝ նվիրատվություն անելով Հայաստանի աջակցության հիմնադրամին, փոխանցում է News.am-ը։

«Դիտարկեք Հայաստանի աջակցության հիմնադրամին նվիրատվություն անելու հնարավորությունը՝ օգնություն ցուցաբերելու համար փոքր բիզնեսին COVID-19-ի դեմ պայքարում»,- գրել է Քարդաշյանը։ Հեռուստաաստղը նաև մի քանի ընկերության անուն է հրապարակել, որոնք հատկապես աջակցության կարիք ունեն։ Նրանց շարքում են հայկական թեմատիկայով շարֆեր արտադրող «Արտույտ» ընկերությունը, «Ռետրո» կաֆեն և այլն։

Հայաստանի աջակցության հիմնադրամը «Փարոս» հիմնադրամի հետ նախաձեռնություն է սկսել Հայաստանում փոքր բիզնեսին աջակցության համար, որը տուժել է COVID-19-ի համավարակի տնտեսական հետևանքներից։

«Փարոս» հիմնադրամը 2006թ.-ից զբաղվում է հումանիտար, կրթական, մշակույթային նախագծերի և զարգացման ոլորտում ծրագրերի իրականացմամբ։ Գրեթե 15 տարվա աշխատանքի ընթացքում «Փարոս»-ն ավելի քան 200 հաջող նախագիծ է անցկացրել Հայաստանում ու հավաքել ավելի քան 7 մլն դոլար։

Consider donating to Armenia Support Fund help provide COVID-19 aid to struggling small businesses in Armenia. #SupportArmenia https://t.co/znjJnw2PWN pic.twitter.com/KOlqRTGwOy

— Kim Kardashian West (@KimKardashian) July 6, 2020