Գվատեմալայի Կոնգրեսի առաջին փոխնախագահը դատապարտել է Հայաստանի դեմ Ադրբեջանի հարձակումը

• 14.07.2020, 10:10
•  Ամերիկա,  Տարածաշրջան,  Աշխարհ,  Հայաստան

Katerin Chumil / elPeriódico

Գվատեմալայի Հանրապետության Կոնգրեսի առաջին փոխնախագահ Ֆելիպե Ալեխոս Լորենզանան, ով գործընկերոջ հետ դեկտեմբերին այցելել էր Արցախի Հանրապետություն, Թվիթեր սոցիալական ցանցի իր միկրոբլոգում, դատապարտել է Հայաստանի Հանրապետության դեմ Ադրբեջանի սանձազերծած հարձակումը: Ինչպես հաղորդում է «Արմենպրեսը»՝ Ֆելիպե Ալեխոս Լորենզանան գրել է․ «Դատապարտում ենք հուլիսի 12-ին Ադրբեջանի կողմից Հայաստանի Տավուշի մարզի ուղղությամբ կատարած հարձակումը։ Մենք մերժում ենք պատերազմական դրսևորումներն ու կոչ ենք անում լուծումներ գտնել դիվանագիտության միջոցով»։

Ադրբեջանի կողմից Հայաստանի դեմ սանձազերած ագրեսիայի դատապարտման մասին հայտարարություններով են հանդես եկել աշխարհի մի շարք երկրների խորհրդարանականներ, քաղաքական ու հասարակական գործիչներ։

Condenamos el ataque de Azerbaiyán el 12 de Julio en #Tavush provincia de Armenia. Rechazamos las acciones bélicas y hacemos un llamado para que se encuentre una solución por la vía diplomática. @AraratMirzoyan https://t.co/qxtYd3QCHL

— Felipe Alejos (@FelipeAlejos) July 13, 2020