Եվրամիությանը հաջողվեց հաստատել պատմական բյուջեն, բայցև` Միությունում առկա են անհերքելի խնդիրներ
Եվրամիության անդամ 27 երկրները գրեթե հինգ օր տևած գագաթաժողովի արդյունքում, չնայած բազմաթիվ տարաձայնություններին, կարողացան հաստատել առաջիկա յոթ տարիների համար (2021-2027թթ.) բյուջեի նախագիծը: Փաստաթղթի համաձայն, առաջիկա տարիներին ԵՄ բյուջեն կկազմի 1.1 տրլն եվրո, որից 750 միլիարդը ուղղված է լինելու եվրոպական տնտեսության վերականգնողական ծրագրին: Բյուջեի նախագիծն առաջիկայում պետք է հաստատվի Եվրախորհրդարանի կողմից, ինչը ևս արդեն իսկ ընթանում է բուռն քննարկումներով: Ի դեպ, առաջիկա յոթ տարիների բյուջեի հաստատումն առաջինն էր Բրեքսիթից հետո, որի արդյունքում եվրոպական բյուջեում առաջացել էր 60-70 մրլդ եվրոյի բյուջետային «ճեղք»:
Հիմնական հակասությունները
Պետք է նշել, որ առաջին անգամ Եվրամիությունը տնտեսության վերականգնման համար գնաց փոխառությունների ներգրավման ճանապարհով, որոնց մարումը (մինչև 2056թ.) պետք է իրականացնեն անդամ բոլոր 27 պետությունները:
Եվրամիության եկարաժամկետ բյուջեի շուջ հակասություններն առավելապես սուղ ընթացք ստացան տնտեսության վարականգնողական ծրագրի համատեքստում: Այս ուղղությամբ նախատեսվող 750 միլիարդն իսկզբանե դրված էր ավելի շատ անվերադարձ սուբսիդիաների տեսքով բաշխման և ավելի քիչ` վարկերի համար:
Ֆրանսիան, Գերմանիան, Իտալիան ու Իսպանիան կողմ էին առավել շատ տուժած տնտեսություններին ավելի մեծ անվերադարձ օժանդակություն տրամադրելու սկզբունքին: Փոխարենը Նիդեռլանդները, Շվեդիան, Ավստրիան և Դանիան առաջ էին քաշում կոշտ պայմաններով ֆինանսավորման պահանջը` ներառյալ փոխառված միջոցների վերադարձ: Հնգօրյա գագաթաժողովի ընթացքում այս չորս երկրները նույնիսկ ստացան «ժլատ քառյակ» անունը: Նշված երկրների թվում գաղափարական լոկոմոտիվ հանդիսացավ Նիդեռլանդները, որի վարչապետը հանդես էր գալիս հարկատուների իրավունքների պաշտպանության տեսանկյունից: Որոշ կարծիքների համաձայն, այդ երկրի վարչապետ Մարկ Րյուտեն այսպիսով փորձում էր շահել իր ընտրազանգվածի աջակցությունն առաջիկայում սպասվող ընտրությունների համատեքստում:
Այլ խնդրով հակասության մեջ էին մտել Լեհաստանն ու Հունգարիան: Մասնավորապես, Հունգարիայի վարչապետ Վիկտոր Օրբանը դեմ էր Նիդեռլանդների առաջարկին` երկրներին տրվող ֆինանսական օժանդակության հացը կապել դրանց կողմից իրավական պարտավորությունների կատարմանը: Նա մեղադրում էր Նիդեռլանդների վարչապետին բանակցություններում քաոս առաջացելու մեջ: Այս մեթոդին դեմ էր նաև Լեհաստանն, ու դա ևս ուներ բացատրություն. Եվրահանձնաժողովն ավելի վաղ այս երկրներում իրավունքների խախտման, դատական պրոցեսներում եվրոպական արժեհամակարգերին հակասող գործողություններ էր ֆիքսել:
Բյուջեի նախագիծը հաջողվեց ընդունել
Երկուշաբթի առավոտյան Եվրոպական խորհրդի նախագահ Շառլ Միշելն իր թվիթերյան էջում արձանագրեց` «Պայմանավորվեցինք» (Deal):
Նախագծի համաձայն 2021-2027թթ. բյուջեով կրճատումներ են սպասվում այնպիսի ոլորտներում, ինչպիսիք են կլիմայական փոփոխությունները, առողջապահությունը, նորարարությունը, օրենքի գերակայության ապահովումը և այլն: Դեռ տարվա սկզբին Եվրահանձնաժողովի կարևորագույն նապատկերից էր CO2-ի մակարդակի կտրուկ կրճատումը` 2050 թվականին ածխածնից զերծ տնտեսություն ունենալու նպատակով: Այս նպատակը մինչև կորոնավիրուսի պանդեմիան էր, և չնայած Եվրահանձնաժողովը պաշտոնապես չի հրաժարվել դրանից, բյուջետային ծախսերն այդ ուղղությամբ կրճատվեցին: Մասնավոապես, այս նպատակի համար ձևավորված անցումային մեխանիզմի համար իսկզբանե նախատեսված 30 մլրդ եվրոյի փոխարեն, կհատկացվի 10 միլարդ: Ինչ վերաբերում է նորարարությանն ու հետազոտություններին, նոր բյուջեով դրան ուղղված ծախսերը կկազմեն 5 մլրդ եվրո, նախապես սահմանված` 13.5 –ի փոխարեն: Գյուղատնտեսության համար սահմանված բյուջեն կրկնակի նվազել է` 15 մլրդի փոխարեն կազմելով 7.5 միլիարդ եվրո:
Գործազրկության դեմ պայքարի և փոքր բիզնեսի աջակցության նպակակով ստեղծված investEU ծրագրի համար նախատեսված ֆինանսավորումը նվազել է միանգամից 24 միլիարդ եվրոյով:
Պարադոքսալ փաստ է, որ նոր նախագծով կրճատվել են նաև EU4Health ծրագրի համար նախատեսված 9.4 միլիարդ բյուջեով նախագիծը, դրա փոխարեն սահմանվել է արտակարգ իրավիճակում և բնական աղետների դեմ պայքարի ծրագիր:
Խնդրահարույց է «կանաչ» ոլորտի ծախսերի կրճատումը, ի դեպ, ինչի մասին գագաթաժողովի բացմանն ակնարկել է նաև Շառլ Միշելը` պնդելով, որ դա կարևոր է եվրոպական պատգամավորների կողմից նախագծի ընդունման համար: Սա ևս փաստում է, որ բյուջեի վավերացումը Եվրախրհրդարանում ևս խնդիրների կհանդիպի: Ի դեպ, Եվրախորհրդարանի ղեկավար Դավիթ Սասոլին հայտնել է, որ պատրաստվում են բարելավել բյուջեն:
Ստացվեց հասնել կոմպրոմիսի
Բյուջեի ամենախնդրահարույց մասի` տնտեսության վերականգման փաթեթի մասով Եվրամիության եկրներին հաջողվեց հասնել փոխզիջման: 750 մլրդ եվրո ընդհանուր փաթեթից 390-ը կուղղվի անվերադարձ օժանդակությանը, 360-ը` ցածր տոկոսադրույքներով վարկերին:
Ըստ էության հիմնական օպոնենտ երկրներին հաջողվեց պահել քաղաքական դեմքը:
Ավելի շատ անվերադարձ օժանդակությանը ձգտող երկրներին բավարարող է բաշխման այս տարբերակը: Նիդեռլանդներին և «ժլատ քառյակի» մյուս երկրներին բավարարեց այն, որ սահմանված 390 միլիարդը պակաս է հակառակ կողմի նախնական պնդումից` անվերադարձ օժանդակությանը տրամադրել 500 մլրդ եվրո, կամ ոչ պակաս, քան 400 մլրդ-ը:
Եվրահանձնաժողովի սկզբունքների տեսանկյունից կարևոր էր ֆինանսական օժադակության որոշումը կապելը երկրների իրավական, ժողովրդավարական պարտավորությունների կատարման հետ:
Եվրամիության այս գագաթաժողովը պատմական էր ոչ միայն տևողության ու կայացված որոշման կարևորության տեսանկյունից: Այն նաև, ըստ էության, հերթական անգամ ֆիքսեց Միությունում առկա խորը հակասությունների ու խնդիրների փաստը: Քննարկումների ընթացքում վերհանված դժգոհություններն անհետք չեն լինի Միության հետագա գործունեության ընթացքում, որոնք կրկին գուցե ավելի հստակ ընդգծվեն հետագայում այլ խնդրահարույց իրավիճակների առաջացման ժամանակ:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 29%
Քամի՝ 1,54 կմ/ժ