ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ԱԳ նախարարի արձագանքը բողոքի ակցիայի մասնակիցների առաջարկին տարակուսանք է առաջացնում

ԱԳ նախարար Զոհրաբ Մնացականյանի և Կառավարության շենքի դիմաց բողոքի ակցիա անող ռուսաստանաբնակ հայերի երկխոսությունը մի շարք խնդիրներ է վերհանում կապված ԱԳՆ-ի աշխատանքի հետ:

Արդեն բավականին տևական ժամանակ է, այդ թվում նաև Հայաստանի արտաքին քաղաքական գերատեսչության առաջնային խնդիրներից է դարձել կորոնավիրուսային համավարակի արդյունքում սահմանների փակվելուց իր քաղաքացիների համար առաջացած դժվարությունների կարգավորումը:

Սակայն, ինչպես պարզ է դառնում բողոքի ակցիայի մասնակիցների հետ ԱԳ նախարարի զրույցից, այս ուղղությամբ ՀՀ ԱԳՆ աշխատանքը խիստ սահմանափակ է:

Այսպես, արտաքին գործերի նախարարը հայտարարեց, որ հստակ տեղյակ չի, թե ինչ քաղաքականություն է հիմա վարում Ռուսաստանը օտարերկրյա քաղաքացիների ընդունելու հարցում: Եվ սա այն դեպքում, երբ արդեն բավականին երկար ժամանակ է Ռուսաստանում բնակվող կամ երկրում առկա սոցիալ-տնտեսական իրավիճակով պայմանավորված արտագնա աշխատանքի մեկնել ցանկացող քաղաքացիները բարձրաձայնում են իրենց խնդիրները: Ընդ որում, նկատենք, որ խոսքը ռազմավարական դաշնակից հանդիսացող երկրի մասին է, որի հետ հարաբերությունների որակը և հետևաբար քննարկվող հարցերի օրակարգը միանգամայն այլ բան էենթադրում:

Ավելին, ԱԳ նախարարը զարմացավ, երբ ակցիայի մասնակիցներն առաջարկեցին ռուսական կողմի հետ ինչ-որ համաձայնության գալ… Իհարկե, ամեն երկիր ինքն է որոշում, թե երբվանից և որ երկրի քաղաքացիների համար չեղարկի իր տարածք մուտքի սահմանափակումները, սակայն որոշակի բացառությունների մեխանիզմների մասին բանակցություններ, խորհրդակցություններ սկսելը, հատկապես վերջին ամիսներին, երբ երկրների մեծ մասը զգալիորեն մեղմացրել է սահմանափակումները, այնքան էլ զարմանալի և տարօրինակ միտք չէ, ինչպես թվաց նախարարին: Ենթադրվում էր, որ հենց դրանով պետք է զբաղված լիներ արտաքին գործերի նախարարությունը վերջին շրջանում, բայց ավաղ… ԱԳՆ-ում իրական աշխատանք իրականացնելու փոխարեն նախընտրում են թաքնվել «ամեն երկիր իր քաղաքականությունն» է իրականացնում արտահայտության հետևում:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 57%
    Քամի՝ 2,57 կմ/ժ
    6 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: