Վանա լճի ափին կառուցվող նախագահական պալատում Էրդողանի համար նախատեսված սենյակը պատրաստ է (լուսանկարներ)

• 17.08.2020, 18:21
•  Տարածաշրջան,  Աշխարհ

Թուրքիայի ներկայիս Բիթլիս նահանգի (Բաղեշ) Ահլաթ (Խլաթ) բնակավայրում՝ Վանա լճի ափին շարունակվում է մզկիթին կից նախագահական համալիրի շինարարական աշխատանքները: 

Այստեղ՝ Թուրքիայի նախագահի համար առանձնացված սենյակում, Ռեջեփ Թայիփ Էրդողանը տիկնոջ՝ Էմինե Էրդողանի հետ ընդունելու է բարձրաստիճան հյուրերի։

Ինչպես հայտնում է Ermenihaber-ը՝ հղում կատարելով թուրքական լրատվամիջոցներին Մանազկերտի ճակատամարտում սելջուկ թուրքերի հաղթանակի առթիվ պետական մակարդակով կազմակերպվելիք միջոցառումների ժամանակ Էրդողանն ու իր կինը օգոստոսի 25-ին ժամանելու են Խլաթ և մնալու են իրենց համար նախատեսված այս համալիրի սենյակում։

Համացանցում հայտնվել են նաև սենյակի լուսանկարները։ Սենյակն արդեն ամբողջովին պատրաստ է՝ անկողնային և այլ  պարագաներով։