ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 28 219,74 դրամ ԱՐԾԱԹ - 357,59 դրամ ՊԼԱՏԻՆ - 15 155,18 դրամ

Երևանում փլատակների տակից դուրս է բերվել բնակչի դին

Երևանի Ռայնիսի փողոցում մասնակի փլուզված շենքի փլատակների տակից դուրս է բերվել քաղաքացու դին, հայտնում է Panorama.am։ 

«Փլատակների տակից դուրս բերվեց երրորդ տուժածը, որը մահացած էր։ Փրկարարները նրան տեղափոխել են շտապօգնության մեքենա։ Ամբողջովին փլատակի  տակ էր մնացել։ Հավանաբար քնած էր եղել, քանի որ մահճակալի հատվածները քանդեցին»,- լրագրողներին ասաց արտակարգ իրավիճակների նախարար Ֆելիքս Ցոլակյանը։

Նա երրորդ հարկի բնակիչն է եղել։ Տղամարդը 56 տարեկան էր։ 

Նախարարը նշեց, որ իրենց ունեցած նախնական տեղեկություններով, պետք է հենց երեք մարդ մնացած լինեին փլատակների տակ, որից երկուսին ավելի վաղ դուրս էին հանել։ Տուծաժները հոսպիտալացվել էին։ Որոնողական աշխատանքները դեռ շարունակվում են։ 

Հիշեցնենք՝  ԱԻ նախարարությունից հայտնել էին, որ օգոստոսի 26-ին, ժամը 07:18-ին Ճգնաժամային կառավարման ազգային կենտրոն ահազանգ է ստացվել, որ Երևանի Ռայնիսի փողոցի թիվ 3 հասցեում գազի արտահոսքից տեղի է ունեցել պայթյուն, շենքը մասնակի փլուզվել է։

Դեպքի վայր են մեկնել ԱԻՆ ՓԾ Երևան քաղաքի փրկարարական վարչության հրշեջ-փրկարարական ջոկատներից հինգ մարտական հաշվարկ, մեկ ավտոսանդուղք, Փրկարարական ուժերի վարչության հատուկ նշանակության փրկարարական աշխատանքների իրականացման կենտրոնի երկու փրկարարական խումբ, Ճգնաժամային կառավարման ազգային կենտրոնի, Հրդեհաշիջման և փրկարարական աշխատանքների կազմակերպման բաժնի օպերատիվ և Բուժապահովման վարչության հերթապահ խմբերը, Հոգեբանական աջակցության բաժնի հրահանգիչը։ Նախնական վարակածով պայթյունի պատճառ է դարձել բնական գազի արտահոսքը։ Մասնակի փլուզվել է նույն շքամուտքում գտնվող 12 բնակարան։


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
20.01.2022
17°  30° 
21.01.2022
Հարցում

Դուք դրական սպասելիքներ ունե՞ք հայ-թուրքական հարաբերությունների կարգավորման ներկա փուլից։