ԵՐԵՎԱՆ 10 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Օնլայն Օլիմպիադա․ Հայաստանը բոյկոտեց Հնդկաստանի հետ երկրորդ ռաունդը և դուրս մնաց պայքարից

Հայաստանի հավաքականը բոյկոտել է շախմատային օնլայն Օլիմպիադայի քառորդ եզրափակիչի Հնդկաստանի հետ երկրորդ ռաունդը և դուրս եկել պայքարից:

Այս մասին NEWS.am Sport-ի թղթակցի հետ զրույում ասաց Հայաստանի շախմատի ֆեդերացիայի գլխավոր քարտուղար Միքայել Անդրիասյանը:

«Առաջին ռաունդում մեր թիմի համար գրանցվեց պարտություն 2,5։3,5 հաշվով: Մինչև ռաունդի ավարտը մեկ խաղ էր մնացել: Խաղատախտակին խաղում էին Հայկ Մարտիրոսյանն ու Հնդկաստանի թիմից Նիհալ Սարին: Դիրքն ամբողջությամբ ոչ ոքի էր: Վերջին րոպեին կապն ընդհատվեց և Հայկ Մարտիրոսյանի քայլը չգնաց: Ժամանակով մեզ պարտություն տվեցին: Կապն ընդհատվեց ոչ թե մեր կողմից, այլ միջազգային ֆեդերացիայի կայքի՝ chess.com-ի սերվերի կողմից: Մեզ պարտություն գրանցեցին այդ խաղում: Ֆեդերացիան բողոքարկեց, բայց բողոքարկումը չընդունվեց, չնայած նրան, որ ապացուցվեց՝ Հայաստանի կողմից չէր ինտերնետի կապի ընդհատումը:

Բողոքարկումը չբավարարվեց, թիմը որոշեց բոյկոտել և չմասնակցել Հնդկաստանի հետ երկրորդ խաղին, քանի որ Հայաստանի նկատմամբ շատ անարդար որոշում էր կայացվել՝ պարտություն տալով: Ֆեդերացիայի անունից ևս մեկ անգամ հաստատում եմ, որ կապի խնդիրը մեր մոտից չի եղել: Վերջին 7 օրվա ընթացքում մեր սերվերն ունեցել է 100 տոկոս ինտերնետ: Բոյկոտելու որոշումն ամբողջ թիմինն էր: Հայաստանի հավաքականը դուրս եկավ պայքարից»,- ասաց Միքայել Անդրիասյանը:

Հայաստանի հավաքականի առաջատար Լևոն Արոնյանը թվիթերյան գրառումով հայտնել էր, որ Հայաստանի թիմը պահանջել է Հայկ Մարտիրոսյանի պարտիան շարունակել ընդհատված քայլից և խաղաժամանակից, սակայան ՖԻԴԵ-ն չի բավարարել բողոքարկումը։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 37%
    Քամի՝ 0,51 կմ/ժ
    9 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: