ԵՐԵՎԱՆ 2 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30,460.44 դրամ ԱՐԾԱԹ - 473.33 դրամ ՊԼԱՏԻՆ - 21,174.12 դրամ

ԱՊՀ երկրներն ստուգելու են ՀՕՊ միացյալ համակարգի մարտական պատրաստվածությունը

Անկախ պետությունների համագործակցության (ԱՊՀ) 7 երկրներ ուրբաթ մեկնարկած վարժանքի ժամանակ ստուգելու են հակաօդային պաշտպանության (ՀՕՊ) միացյալ համակարգի մարտական պատրաստվածությունը։ Մասնավորապես՝ մշակվելու է ՀՕՊ ուժերի կիրառումը ԱՊՀ պետությունների պետական սահմանները խախտող օդանավերի դեմ, լրագրողներին հայտնել են ՌԴ պաշտպանության նախարարությունից, փոխանցում է Aysor.am-ը:

Մոսկվայի ժամանակով 8։00-ին (Երևանի ժամանակով 09:00-ին) մեկնարկած զորավարժություններին մասնակցում են Ռուսաստանը, Հայաստանը, Բելառուսը, Ղազախստանը, Ղրղզստանը, Տաջիկստանը և Ուզբեկստանը։ ՀՕՊ միացյալ համակարգը ղեկավարում են Մոսկվայում ՌԴ Օդատիեզերական ուժերի կառավարման կենտրոնից։ «Վարժանքի շրջանակում մշակվելու են օդային տարածքի օգտագործման կանոնները խախտող օդանավերի, ԱՊՀ անդամ պետությունների պետական սահմանները խախտող օդանավերի, առևանգված օդանավերի դեմ, նաև աղետի ենթարկված օդանավերի անձնակազմերին օգնություն ցուցաբերելիս ՀՕՊ հերթապահ ուժերի կիրառման հարցերը», - հստակեցրել են գերատեսչությունից։

Վարժանքներին ներգրավված են 7 երկրների տարածքում 130-ից ավելի հրամանատարական կետեր, 60-ից ավելի օդանավեր, զորավարժություններին մասնակցում են նաեւ Սու-27, ՄիԳ-29, ՄիԳ-31 և Յակ-130 կործանիչներ, Սու-24 և Սու-34 ճակատային ռմբակոծիչներ, Սու-25 գրոհիչներ, Տու-22, Տու-160 ծանր ռմբակոծիչներ։

«Օդանավերի անձնակազմերը վարժանքներին մասնակցող 7 երկրների օդային տարածքում կանցկացնեն փոխադարձ մանևրումներ»,- հավելել են գերատեսչությունից։

Վերջին շրջանում ռուսական կործանիչները գործնականում ամեն օր օդ են բարձրանում ՆԱՏՕ-ի երկրների օդանավերին ուղեկցելու, որոնք փորձում են մոտենալ ՌԴ սահմաններին։ Սեպտեմբերի 5-ին ՌԴ պաշտպանության նախարար Սերգեյ Շոյգուն հայտնել էր, որ Ռուսաստանի սահմանների մոտ ՆԱՏՕ-ի հետախուզական ավիացիայի կիրառման ինտենսիվությունը անցյալ տարվա համեմատությամբ մեծացել է ավելի քան 30 տոկոսով։ Նրա խոսքով՝ անցյալ տարվա օգոստոսին եղել է այդպիսի 87 թռիչք, իսկ հիմա՝ մոտ 120։


Ամենաընթերցվածը

օրվա

շաբաթվա

ամսվա

Եղանակ
Երևան
Մասամբ ամպամած
Խոնավություն՝ 51%
Քամի՝ 4 կմ/ժ
2 C°
 
-3°   
26.02.2021
-2°   
27.02.2021
Հարցում

Կո՞ղմ եք Covid-19 պատվաստումներին, եթե Հայաստանում նման գործընթաց սկսվի: