ԵՐԵՎԱՆ 9 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Բելառուսը չի բացառում ուժային պատասխանը Միութենական պետությունը և ՀԱՊԿ շրջանակներում ռազմական սպառնալիքներին

Vesti.ru

Բելառուսը չի բացառում ուժային պատասխանի հնարավորությունը ռազմական սպառնալիքներին` Միութենական պետության (ՄՊ) և Հավաքական անվտանգության պայմանագրի կազմակերպության (ՀԱՊԿ) մասով համաձայնագրերի շրջանակներում: Այս մասին հայտարարել է Բելառուսի պաշտպանության նախարարության միջազգային ռազմական համագործակցության վարչության ղեկավար Օլեգ Վոինովը, ում խոսքերը երեքշաբթի մեջբերել է երկրի պաշտպանության նախարարության կայքը, հաղորդում է ՏԱՍՍ-ը:

«Ի թիվս այլ բաների, մենք չենք բացառում նաև արձագանքման ուժային տարբերակն ուղիղ ռազմական սպառնալիքներին` Միութենական պետության և Հավաքական անվտանգության պայմանագրի կազմակերպության մասով գոյություն ունեցող համաձայնագրերի շրջանակներում` Բելառուսի դեմ բաց ռազմական ագրեսիայի և զինված բախման դեպքում»,- նշել է հանրապետության ՊՆ ներկայացուցիչը:

«Ներկայիս դժվարին պայմաններում մեզ համար չափազանց կարևոր է, որ մենք մենակ չենք մնացել: Մեր ամենամոտ գործընկերների, հատկապես` մեր ռազմավարական դաշնակից Ռուսաստանի Դաշնության և «երկաթե եղբայր» Չինաստանի Ժողովրդական Հանրապետության կողմից մեր երկրին ցուցաբերվող աջակցությունը խոսում է այն մասին, որ մեր երկրի, մեր ժողովրդի ընտրած ուղին ճիշտ է»,- նշվում է հայտարարության տեքստում:

Բելառուսի հարևան մի շարք պետություններ փորձում են պառակտել Միութենական պետությունը և կռվեցնել Մինսկը Մոսկվայի հետ, ասել է Վոինովը:

«Մեր հարևանների բոլոր այդպիսի գործողություններն ու հայտարարությունները մի ուղղվածություն ունեն` պառակտել Միութենական պետությունը, խզել հարաբերությունները Բելառուսի Հանրապետության և Ռուսաստանի Դաշնության միջև գործունեության բոլոր ոլորտներում»,- ասել է Բելառուսի ՊՆ ներկայացուցիչը:

Լեհաստանը և Լիտվան նպաստել են Բելառուսում իրավիճակի ապակայունացման գործընթացին, նշել են գերատեսչությունում:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 37%
    Քամի՝ 0,51 կմ/ժ
    9 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: