Նիկոլ Փաշինյանի համոզմամբ` պատերազմում հաջողությունը կարող է լուծել Արցախի կարգավիճակի հարցը

• 19.10.2020, 12:08
•  Տարածաշրջան,  Աշխարհ,  Հայաստան,  ԼՂՀ

Վարչապետ Նիկոլ Փաշինյանի համոզմամբ՝ պատերազմում հաջողությունը կարող է լուծել Արցախի կարգավիճակի հարցը։ 

«1. Ինչի՞ համար է այս պատերազմը. Ղարաբաղի կարգավիճակի։ 

2. Կարո՞ղ էինք խուսափել այս պատերազմից. այո, եթե հանձնեինք տարածքները ևհամաձայնեինք Ղարաբաղի անորոշ կարգավիճակին, անորոշ ժամանակով, հետագա կարգավիճակի ճշգրտման մեխանիզմի բացակայության պայմաններում։

3. Կարո՞ղ էինք Ղարաբաղի ընդունելի կամ որեւէ կարգավիճակի հասնել բանակցային ճանապարհով. ոչ, որովհետևդրա վերջին հնարավորությունը սպառվել էր 2011 թվականին, Կազանում։

4. Կարո՞ղ ենք, արդյոք, կանգնեցնել այս պատերազմը. տեսականորեն այո՝ 2-րդ կետում նշված տարբերակի գուցե մի փոքր ավելի վատթար բանաձեւով։

5. Կարո՞ղ է, արդյոք, պատերազմը լուծել Ղարաբաղի կարգավիճակի հարցը. այո, եթե հաջողություններ գրանցենք պատերազմում։ 

6. Կարո՞ղ ենք, արդյոք, հաջողություններ գրանցել պատերազմում. այո, եթե այդ նպատակի շուրջ կենտրոնացնենք ազգային ներուժը ևանկեղծորեն ու անձնազոհ կերպով բոլորս լծվենք այդ նպատակին»,- նշել է ՀՀ վարչապետը ֆեյսբուքյան իր էջում կատարած գրառման մեջ։