ԵՐԵՎԱՆ 6 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30 049,87 դրամ ԱՐԾԱԹ - 387,97 դրամ ՊԼԱՏԻՆ - 15 272,88 դրամ

Հնչել է Արցախի միջազգային ճանաչման ժամը. Արամ Ա Կաթողիկոս

Հնչել է Արցախի միջազգային ճանաչման ժամը և Սփյուռքը պետք է բարձրացնի այդ դրոշն ամբողջ աշխարհում։ Այս մասին Մեծի Տանն Կիլիկիո Կաթողիկոսության թեմերին ուղղած իր շրջաբերական նամակում շեշտել է Ն.Ս.Օ.Տ.Տ. Արամ Ա Կաթողիկոսը։

«Հնչել է Արցախի միջազգային ճանաչման ժամը։ Հատկապես Սփյուռքը, իր քարոզչական ու հարաբերական լայն հնարավորություններով կոչված է բարձր պահել Արցախի ճանաչման դրոշը։ Արդարև, քաղաքների, նահանգների ու կազմակերպությունների կողմից ճանաչման   որևէ քայլ իր կարևոր նպաստը կարող է բերել միջազգային համայնքին կողմից Արցախի անկախության ճանաչման գործում», նշված է Մեծի Տանն Կիլիկիո Կաթողիկոսության ֆեյսբուքյան էջում։ Արամ Ա  Վեհափառը հանձնարարել է թեմերի առաջնորդ սրբազաններին, ազգային կառույցներին ու հարակից մարմիններին հետևողական աշխատել Արցախի միջազգային ճանաչման համար։

Նորին Սրբությունը միաժամանակ հիշեցրել է, որ «գործնական բոլոր միջոցներով պետք է շարունակենք մեր ամբողջական ու անվերապահ աջակցությունը Հայոց բանակին։ Հայոց բանակը մեր հպարտությունն է, մեր ազգի ու հայրենիքի գոյության երաշխիքն է, բոլոր ճակատներում մեր հերոս տղաները պայքարում են գիշեր-ցերեկ և պատրաստ են իրենց արյունը թափել հանուն Արցախի անկախության»։

Նշվում է նաև, որ Վեհափառ Հայրապետը նաև հոգևոր առաջնորդների, միջեկեղեցական կառույցների և կազմակերպությունների հետ իր շփումնրում շարունակելու է մեծ կարևորություն տալ Արցախի ճանաչման հարցին։


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 43%
Քամի՝ 5 կմ/ժ
6 C°
 
-2°   
27.11.2020
-2°   
28.11.2020
Հարցում

Կճանաչվի՞ արդյոք մոտ ապագայում Արցախի անկախությունը: