ԵՐԵՎԱՆ 5 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30 049,87 դրամ ԱՐԾԱԹ - 387,97 դրամ ՊԼԱՏԻՆ - 15 272,88 դրամ

Զոհվածների հետ համատեղությամբ ապրող ծնողները, երեխաներն ու ամուսինները կազատվեն վարկային պարտավորություններից

«Առաջարկվում է հնարավորություն ընձեռել, որպեսզի բանկերն ու վարկային կազմակերպությունները կարողանան առանց հարկային հետևանքներ կրելու ներել ռազմական գործողությունների հետևանքով զոհված կամ հաշմանդամություն ձեռք բերած անձանց և նրանց հետ փոխկապակցված անձանց որոշակի շրջանակի վարկային պարտավորությունները»,- այսօր ԱԺ արտահերթ նիստի ընթացքում ասել է ՀՀ ֆինանսների նախարարի տեղակալ Արման Պողոսյանը՝ ներկայացնելով «ՀՀ հարկային օրենսգրքում» լրացումներ կատարելու մասին օրենքի նախագիծը, փոխանցում է Panorama.am-ը:

Նրա խոսքով, այդ դեպքում վարկային պարտավորություն ասելով նկատի են առնվել ոչ միայն տույժերն ու տուգանքները, այլ նաև վարկի մայր գումարները։

Բացի այդ, ըստ փոխնախարարի, հնարավորություն է ընձեռվում առանց վարկային հետևանքների ներել հենց մարտական գործողություններին մասնակցած զոհված կամ հաշմանդամություն ձեռք բերած անձանց, այլ նաև նրանց հետ առաջին կարգի ազգակցական կապ ունեցողների՝ համատեղությամբ ապրող ծնողների, ամուսնու և համատեղությամբ ապրող զավակների վարկային պարտավորությունները։

«Առաջ բացառություն էր նախատեսվում ԱՁ-ների և նոտարների համար, այն դեպքերում, երբ նրանք, լինելով ֆիզիկական անձինք, այդուհանդերձ վարկերը վերցրել են՝ որպես ԱՁ-ներ կամ նոտարներ, այսինքն՝ որպես բիզնես սուբյեկտներ։ Հիմա առաջարկում ենք, որ նրանց նույնպես այս հնարավորությունը տրվի»,- ներկայացրեց փոխնախարարը։

 


Եղանակ
Երևան
Արևոտ
Խոնավություն՝ 40%
Քամի՝ 5 կմ/ժ
4 C°
 
-2°   
28.11.2020
-1°   
29.11.2020
Հարցում

Կճանաչվի՞ արդյոք մոտ ապագայում Արցախի անկախությունը: