«Ի՞նչ հարցերից եք վախենում, պարո՛ն նախագահ». Ալիևը սկզբում համաձայնել, ապա հրաժարվել է ԼՂ հակամարտության թեմայով հարցազրույցից

• 21.10.2020, 13:28
•  Տարածաշրջան

Գերմանական BILD պարբերականի գլխավոր խմբագիր Փոլ Ռոնժեյմերն իր թվիթերյան էջում հայտնել է, որ Ադրբեջանի նախագահ Իլհամ Ալիևը, սկզբում համաձայնելով ԼՂ հակամարտության թեմայով հարցազրույց տալ հեղինակավոր լրատվամիջոցին, այժմ հրաժարվել է, փոխանցում է Tert.am-ը։

«Ադրբեջանի նախագահը համաձայնել էր Ղարաբաղի վերաբերյալ հարցազրույց տալ BILD-ին, իսկ հիմա հանկարծակի հրաժարվում է դրանից։ Ի՞նչ հարցերից եք վախենում, պարո՛ն նախագահ»,- գրել է Ռոնժեյմերը և տեղեկացրել, որ Հայաստանի վարչապետն ու նախագահն արդեն իսկ հարցազրույցներ տվել են պարբերականին։