Ալեքսիս Օհանյանը կոչ է արել ԱՄՆ-ին դատապարտել Ադրբեջանի ու Թուրքիայի հարձակումները հայերի վրա

• 24.10.2020, 13:45
•  Աշխարհ,  Հայաստան,  ԼՂՀ,  Սփյուռք

Charles Sykes/Invision/AP

Ամերիկահայ գործարար, Reddit և Initialized Capital ընկերությունների համահիմնադիր Ալեքսիս Օհանյանը Instagram-ի իր էջում կոչ է արել Ամերիկայի Միացյալ Նահանգների կառավարությանը, որպեսզի դատապարտեն դիկտատորական Ադրբեջանի ու Թուրքիայի հարձակումները հայերի վրա:

«Այն, ինչ կատարվում է Արցախում, ողբերգություն է: Եթե իրական հրադադար չլինի, մի շարք դժբախտություններ տեղի կունենան: Ես կոչ եմ անում Ամերիկայի Միացյալ Նահանգների իմ կառավարությանը, որպեսզի դատապարտեն դիկտատորական Ադրբեջանի ու Թուրքիայի հարձակումները հայերի վրա, կիրառեն պատժամիջոցներ և պարտադրեն անհապաղ հրադադար հաստատել: Թեև պատերազմն արդեն շաբաթներ է տևում, բայց ԱՄՆ-ն, այն երկիրը, որը ջերմորեն ընդունել է իմ` Ցեղասպանությունից փրկված  նախապապերին, ոչինչ դեռ չի ձեռնարկել»,- նշել է գործարարը:

Посмотреть эту публикацию в Instagram

Публикация от Alexis Ohanian Sr. (@alexisohanian) 23 Окт 2020 в 1:04 PDT