Խոստանում եմ լինել նախագահ, որը ձգտում է միավորվել, ոչ թե բաժանել․ Ջո Բայդենը հայտարարել է հաղթանակի մասին

• 08.11.2020, 10:12
•  Ամերիկա

Kevin Lamarque /REUTERS

Դեմոկրատական կուսակցությունից ԱՄՆ նախագահի թեկնածու Ջո Բայդենը հայտարարել է «մաքուր հաղթանակի» մասին և ուղերձով է հանդես եկել, հայտնում է INTERFAX-ը։ 

«Այս պետության ժողովուրդն ասել է իր խոսքը: Նա մեզ հաղթանակ է տվել: Համոզիչ հաղթանակ: Այս ընտրությունների ժամանակ տրվել են ամենամեծ թվով ձայները»,- ասել է Բայդենը:

«Խոստանում եմ լինել նախագահ, որը ձգտում է միավորվել, ոչ թե բաժանել: Որը չի տեսնում կարմիր և կապույտ նահանգներ, այլ տեսնում է Ամերիկայի Միացյալ Նահանգները»,-նշել է Ջո Բայդենը:

Նա նաև դիմել է Դոնալդ Թրամփի կողմնակիցներին:

«Հասկանում եմ ձեր հուսահատությունն այս շաբաթ: Սակայն այժմ եկեք միմյանց հնարավորություն տանք: Ժամանակն է մի կողմ դնել կոշտ հռետորությունը, նվազեցնել աստիճանը… Առաջընթացի հասնելու համար մեզ պետք է դադարել վերաբերվել մեր ընդդիմադիրներին՝ որպես թշնամիների: Նրանք թշնամիներ չեն, նրանք ամերիկացիների են»,- հայտարարել է Բայդենը՝ կոչ անելով երկրի երկու կուսակցություններին կողմնակիցներին միավորվել:

«Մեր աշխատանքը կսկսվի COVID-ի նկատմամբ հսկողության հաստատումից»,-նշել է Ջո Բայդենը՝ հավելելով, որ ամերիկացիները չեն կարող հաղթահարել կարևոր բոլոր խնդիրները, քանի դեռ կորոնավիրուսը չի վերահսկվում: