ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Լավրովը հայտարարել է, որ ԼՂ-ում կրակի դադարեցման մասին հարցը լուծվել է ԱՄՆ-ի մասնակցությամբ

Լեռնային Ղարաբաղում կրակի դադարեցման մասին հարցը լուծվել է ինչպես ԱՄՆ-ի, այնպես էլ Ֆրանսիայի մասնակցությամբ: Որոշում կայացնելիս հաշվի է առնվել նրանց դիրքորոշումը որպես ԵԱՀԿ Մինսկի խմբի համանախագահ երկրներ: Այս մասին RT-ին տված հարցազրույցում ասել է ՌԴ ԱԳՆ ղեկավար Սերգեյ Լավրովը, փոխանցում է ՏԱՍՍ-ը:

«Չեմ կարծում, թե հարցը լուծվել է առանց ԱՄՆ-ի մասնակցության: ԵԱՀԿ Մինսկի խմբի երեք համանախագահ երկրների՝ ԱՄՆ-ի, Ռուսաստանի և Ֆրանսիայի դիրքորոշումը, որը մինչև նոյեմբերի 9-ը համաձայնագրի կնքումը բազմիցս արտահայտվել է նախագահների, նախարարների և համանախագահ երկրների հատուկ ներկայացուցիչների մակարդակով, եղել է հօգուտ արյունահեղության անհապաղ դադարեցման և կրակի դադարեցման հսկողության մեխանիզմի մշակման և քաղաքականապես ու հոգեբանորեն ազդել է իրավիճակի վրա»,-ասել է նա:

Լավրովը ցավալի է անվանել Լեռնային Ղարաբաղի հակամարտության թեմայով ԱՄՆ-ի և Ֆրանսիայի ներկայացուցիչների մոտ «վիրավորված ինքնասիրությունը»:

«Ամերիկացի և ֆրանսիացի իմ գործընկերների հետ շփումներում, ինչպես և ԼՂ թեմայով նախագահ Պուտինի հետ նախագահ Մակրոնի հետ շփումներում վերջին օրերին ակնհայտորեն նկատվում է վիրավորված ինքնասիրություն: Եվ դա ցավալի է»,-ասել է նա: 


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 53%
    Քամի՝ 3,6 կմ/ժ
    6 C°
     
    20°   
    30.03.2024
    18°   
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: