ԵՐԵՎԱՆ -1 C°
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 30 940,9 դրամ ԱՐԾԱԹ - 424,19 դրամ ՊԼԱՏԻՆ - 18 614,1 դրամ

Թուրքիայում փորձել են գաղտնի վաճառել Ստամբուլի ամենահայտնի կաթոլիկ եկեղեցին

Թուրքիայում ոմն Սեբահաթթին Գյոք փորձել է կեղծ փաստաթղթերի միջոցով արտասահմանցիներին վաճառել Ստամբուլի ամենահայտնի և ամենամեծ կաթոլիկ եկեղեցին՝ Սենտ Անտուանը։

Այդ մասին, ըստ Akunq.net-ի, հաղորդում է թուրքական «Սաբահը»։

Աղբյուրի փոխանցմամբ՝ Ստամբուլի Բեյօղլու շրջանում գտնվող Սենտ Անտուանը վաճառել փորձած Սեբահաթթին Գյոքի անունը հիշատակվում է 34 տարբեր հետաքննությունների շրջանակներում։ Հրապարակման մեջ նշվում է, թե Գյոքն այցելել է ԱՄՆ, Ֆրանսիա, Իտալիա և այլ երկրներ, գտել սույն եկեղեցու գույքի սեփականատերերի ժառանգորդներին և փորձել նրանց վաճառել եկեղեցին։

Սեբահաթթին Գյոքի հետ ձերբակալվել են նաև նրա խմբին պատկանող այլ հանցակիցներ։ Հետաքննության ժամանակ բացահայտվել է, որ Գյոքը կարողացել է Թուրքիայի 6 տարբեր գավառներում խլել 17 քաղաքացու պատկանող անշարժ գույքը և դրանք վաճառել երրորդ անձանց։

Նշենք, որ Սենտ Անտուանը կամ Անտոնիոս Պադուացու եկեղեցին հիմնվել է 18-րդ դարի սկզբներին, Կ․Պոլսի իտալական համայնքի կողմից։ Սակայն եկեղեցին կանգուն է մնացել միայն 180 տարի։ Այն քանդվել է 1904 թ․, քանի որ խանգարում էր տրամվայի ռեսլերի անցկացմանը։ Քիչ անց Օսմանյան կառավարությունը մոտակայքում մեկ այլ հողատարածք է տրամադրել, որտեղ և 1906 թ․ կառուցվել է ներկայիս Սենտ Անուանը։


Ամենաընթերցվածը

օրվա

շաբաթվա

ամսվա

Եղանակ
Երևան
Ամպամած
Խոնավություն՝ 71%
Քամի՝ 5 կմ/ժ
-1 C°
 
-8°  -1° 
21.01.2021
-8°  -1° 
22.01.2021
Հարցում

Աջակցու՞մ եք արդյոք Հայաստանում ազգային համաձայնության կառավարության ստեղծմանը: