ԵՐԵՎԱՆ 16 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Բայդենը Թրամփին գերազանցել է ընտրիչների ձայների թվով

© AP Photo/Susan Walsh

ԱՄՆ ընտրիչների կոլեգիան հաստատել է երկրում քվեարկության արդյունքները, որոնց համաձայն՝ դեմոկրատ Ջոզեֆ Բայդենը կդառնա պետության ղեկավարը: Այդ տվյալները ներկայացրել են ամերիկյան առաջատար լրատվամիջոցները, փոխանցում է ՏԱՍՍ-ը:

Բայդենի օգտին է հանդես եկել արդեն 302 ընտրիչ, իսկ ԱՄՆ գործող նախագահի օգտին՝ 232: ԱՄՆ նախագահ դառնալու համար թեկնածուն պետք է ստանա 270 ձայն:

Դեմոկրատն այս նիշն անցել էր Կալիֆոռնիայում ընտրիչների քվեարկության արդյունքները հրապարակելուց հետո: «Իրենց ձայները Ջոզեֆ Բայդենի օգտին են տվել 55 [ընտրիչներ], դեմ՝ զրո,- ասել է նահանգի ընտրիչների կոլեգիայի նախագահը: - Քամալա Հարիսի օգտին ձայն է տվել 55-ը, դեմ՝ զրո»: Միակ նահանգը, որտեղ ընտրիչները դեռևս չեն քվեարկել, Հավային է: Բայց դա աարդյունքները սկզբունքորեն չի փոխի:

Թրամփը, որն ընտրություններում իր պարտությունը չի ճանաչում, նոյեմբերի վերջին հայտարարել էր, որ Սպիտակ տունը կլքի, եթե Բայդենի օգտին քվեարկի ընտրիչների կոլեգիան: Դրա հետ կապված այս ընթացակարգը, որը սովորաբար ձևական է համարվում, հիմա գրավում է լրատվամիջոցների մեծ ուշադրությունը:

ԱՄՆ նախագահն ընտրվում է ոչ թե ուղղակիորեն ժողովրդի կողմից, այլ նահանգների, որոնցից յուրաքանչյուրն ունի բնակչության թվաքանակին համամասնական ընտրիչների ձայների քանակ: Նոյեմբերի 3-ի քվեարկությամբ հաստատվել են նրանց լիազորությունները:

Ընտրիչների կոլեգիայի քվեարկության արդյունքները հունվարի 6-ին պետք է հաստատեն Սենատը և Կոնգրեսի Ներկայացուցիչների պալատը: ԱՄՆ հաջորդ նախագահի երդմնակալությունը տեղի է ունենալու հունվարի 20-ին:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 25%
    Քամի՝ 0,51 կմ/ժ
    16 C°
     
    20°  10° 
    30.03.2024
    20°  10° 
    31.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: