Սերգեյ Լավրովն ու Ժոզեֆ Բորելը կքննարկեն ԼՂ իրավիճակի հետագա կայունացման հարցը

• 25.01.2021, 22:40
•  Եվրոպա,  ԵԱՏՄ,  Աշխարհ,  ԼՂՀ

Александр Щербак/ТАСС

Փետրվարի 4-6-ը Եվրամիության արտաքին գործերի և անվտանգության քաղաքականության հարցերով բարձր ներկայացուցիչ Ժոզեֆ Բորելը աշխատանքային այցով կմեկնի Մոսկվա: Ինչպես հայտնում են ՌԴ ԱԳՆ մամուլի ծառայությունից՝ փետրվարի 5-ին նրան կընդունի Ռուսաստանի Դաշնության արտգործնախարար Սերգեյ Լավրովը:

Հանդիպման ընթացքում կքննարկվեն Ռուսաստան-ԵՄ հարաբերությունների խնդիրներն ու հեռանկարները:

ՌԴ ԱԳՆ-ի փոխանցմամբ ՝նախատեսվում է նաև մտքերի լայն փոխանակություն՝ միջազգային օրակարգի արդիական թեմաների շուրջ, այդ թվում իրավիճակը՝ Արևմտյան Բալկանների տարածաշրջանում, Մերձավոր Արևելքում, Հյուսիսային Աֆրիկայում, ԱՊՀ տարածքում: Կքննարկվեն իրանական միջուկային ծրագրի շուրջ իրավիճակի կարգավորման համար համատեղ գործողությունների համապարփակ ծրագրի իրականացման հեռանկարները, Լեռնային Ղարաբաղում իրավիճակի հետագա կայունացումը, Եվրոպայում անվտանգության խնդիրները և փոխադարձ հետաքրքրություն ներկայացնող այլ թեմաներ։