ԵՐԵՎԱՆ 21 C°
ՀՀ ԿԲ -
  • USD - 454.86 դրամ +0,86 EUR - 478.29 դրամ +0,29 RUB - 7.18 դրամ +0,18 GBP - 567.07 դրամ +0,07
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

ՊԵԿ-ի ծառայություններից հնարավոր կլինի օգտվել նաև բջջային հավելվածով

Պետական եկամուտների կոմիտեն թվայնացման գործընթացում հանդես է գալիս նոր գործիքակազմով: Շուտով իրավաբանական և ֆիզիկական անձինք հնարավորություն կունենան ՊԵԿ-ի էլեկտրոնային ծառայություններից օգտվել բջջային հավելվածի միջոցով: «Արմենպրես»-ի մամուլի սրահում հրավիրված ասուլիսում ՊԵԿ նախագահի տեղակալ Աշոտ Մուրադյանը  նշեց, որ իրենք որդեգրել են բոլոր ծառայությունները մաքսիմալ թվայնացնելու և դրանց արդյունավետությունը բարձրացնելու քաղաքականություն:

«Համաշխարհային բանկն իրականացրել էր ուսումնասիրություն: Հարցաշարում կար հարց այն մասին, թե արդյոք հարկ վճարողներն ունեն անհրաժեշտություն բջջային հավելվածով ստանալու ՊԵԿ-ի կողմից մատուցվող ծառայությունները: Պատկերացրեք մեր ուրախությունն ու զարմանքը, որ տեսանք արդյունքը: Շուրջ 70 տոկոսը նշել էր, որ ունի խիստ անհրաժեշտություն: Սա խոսում է այն մասին, որ մեր հանրությունն առավել քան պատրաստ է ծառայությունների թվայնացմանը և ինքն է մեզ ուղղորդում, թե ինչ ուղղություններով զարգանանք: Ասեմ, որ նաև այս հարցումների հիման վրա էր, որ մենք արագ մշակեցինք հայեցակարգ ՊԵԿ-ի ծառայությունները բջջային հավելվածներով հասանելի դարձնելու համար»,-ասաց Աշոտ Մուրադյանը:

Բջջային հավելվածը կհեշտացնի ՊԵԿ-ի ծառայություններից օգտվողների գործը: Իրավաբանական և ֆիզիկական անձինք, բոլոր այն ծառայությունները, որոնք մատուցում է ՊԵԿ-ը՝ էլեկտրոնային հաշվետվությունների ներկայացման համակարգ, հաշվարկային փաստաթղթերի դուրսգրման համակարգ և այլն, այդ ամբողջ կարող է ստանալ բջջային հավելվածի միջոցով: Նաև ֆիզիկական անձինք կկարողանան մուտք գործել անձնական էջ և իրենց հաշվետվությունները ներկայացնել ինքնահայտարարագրման շրջանակում: Աշոտ Մուրադյանը տեղեկացրեց, որ մշակվել է ծրագրի տեխնիկական նկարագիրը, այն կներկայացվի թվայնացման խորհուրդ: Այնուհետև կհայտարարվի մրցույթ պարզելու, թե ով կիրականացնի ծրագիրը:  


Ամենաընթերցվածը

օրվա

շաբաթվա

ամսվա

Եղանակ
Երևան
Արևոտ
Խոնավություն՝ 35%
Քամի՝ 3,09 կմ/ժ
21 C°
 
25°  13° 
19.05.2022
20°  13° 
20.05.2022
Հարցում

Կկարողանա՞ն արդյոք Ռուսաստանն ու Ուկրաինան մոտ ապագայում ճանապարհ հարթել դեպի խաղաղություն: