ԵՐԵՎԱՆ 6 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Գերմանիան Բելառուսում ընդդիմությանը սատարելու համար շուրջ 21 միլիոն եվրո է հատկացրել

Գերմանիան Բելառուսում ընդդիմությանը սատարելու ծրագրերի համար շուրջ 21 միլիոն եվրո է հատկացրել: Այս մասին հայտարարել է Գերմանիայի արտաքին գործերի նախարար Հեյկո Մաասը՝ ելույթ ունենալով «Համերաշխություն Բելառուսի հետ» առցանց համաժողովում:

ԳԴՀ իշխանությունները Բելառուսի ընդդիմությանը սատարող գործողությունների ծրագիր են ընդունել։ Խոսքը վերաբերում է ապաստան և կրթաթոշակ տրամադրելուն, անկախ լրատվամիջոցների աջակցությանը, ավելի վաղ իր ավանդական տեսաուղերձում հայտնել էր ԳԴՀ կանցլեր Անգելա Մերկելը:

«Վստահ եղեք՝ Գերմանիան և ԵՄ-ն ձեր կողքին են: Մենք պատժամիջոցներ ենք մտցրել Լուկաշենկայի և նրա ռեժիմի դեմ: և մենք մշակել ենք «Բելառուսի քաղաքացիական հասարակություն» գործողությունների ծրագիր, որի արժեքը կկազմի 21 միլիոն եվրո»,- ասել է նախարարը՝ դիմելով բելառուսական ընդդիմության կողմնակիցներին:

«Մենք կրթաթոշակներ կառաջարկենք այն ուսանողներին, ովքեր հեռացվել են դպրոցներից և համալսարաններից՝ ցույցերին մասնակցելու համար: Մենք կաջակցենք անկախ լրատվամիջոցներին: Հոգեբանական օգնություն կտրամադրենք խոշտանգումների զոհերին և Գերմանիայում ապաստան կտրամադրենք հալածված բելառուսներին: և մենք կստեղծենք մեխանիզմ՝ ապացույցներ հավաքելու մարդու իրավունքները ոտնահարողների դեմ: Կգա մի օր, երբ նրանք կենթարկվեն պատասխանատվության: Կգա մի օր, երբ Բելառուսի ժողովուրդը կկարողանա ապրել ժողովրդավարության, ազատության և օրենքի գերակայության պայմաններում»,- հավելել է նա:


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 57%
    Քամի՝ 2,57 կմ/ժ
    6 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: