Վրաստան. ներքաղաքական ցնցումներն ու դրանց պատճառները
Վրաստանում ներքաղաքական զարգացումներն ու բողոքի ակցիաները շարունակվում են: Ընդդիմությունը՝ որպես իշխանությունների հետ համաձայնության գալու հիմնական պայման է առաջ քաշում բոլոր քաղբանտարկյալների ազատ արձակումը, ընտրական համակարգի փոփոխություններն ու արտահերթ խորհրդարանական ընտրությունների անցկացումը: Հասկանալու համար, թե ինչ ուղղությամբ կարող են գնալ զարգացումները, փորձենք վերհիշել, թե որտեղից սկսվեց ամեն ինչ:
Վրաստանի այսօրվա ներքաղաքական անկայունության ֆորմալ պատճառը փետրվարի 17-ին «Միացյալ ազգային շարժման» նախագահ Նիկա Մելիայի նկատմամբ Թբիլիսիի քաղաքային դատարանի կայացրած որոշումն էր, որով Մելիայի նկատմամբ որպես խափանման միջոց ընտրվեց կալանքը:
Քրեական գործը, որում որպես մեղադրյալ ներգրավված է ընդդմադիր գործիչը, առնչվում է 2019-ի հունիսի 20-ի իրադարձություններին, երբ Ուղղափառության խորհրդարանական վեհաժողովի 26-րդ նիստին ՌԴ պետդումայի պատգամավոր Սերգեյ Գավրիլովի նախագահությունը դժգոհության ալիք էր բարձրացրել Վրաստանում: Ինչպես հիշում ենք, այս դժգոհությունների արդյունքում Թբիլիսիում բազմամարդ բողոքի ակցիաներ ու բախումներ եղան, հարյուրավոր մարդիկ ձերբակալվեցին:
Այսպիսով՝ վերոնշյալ գործով Վրաստանի քրեական օրենսգրքի 225-րդ հոդվածի 1-ին և 2-րդ մասերով` խմբակային բռնություն կազմակերպելու և մասնակցելու համար հարուցվեց քրեական գործ, որում որպես մեղադրյալ ներգրավվեց նաև Նիկա Մելիան: Վերջինիս խափանման միջոցն էլ, ինչպես արդեն նշեցինք, փետրվարի 17-ի դատարանի որոշմամբ սահմանվեց կալանքը:
Որոշման հրապարակումից կարճ ժամանակ անց Նիկա Մելիային պաշտպանելու նպատակով գործողություններ սկսեցին վերջինիս աջակիցները: Փետրվարի 17-ին «Միացյալ ազգային շարժման» բազմաթիվ անդամներ ու համակիրներ գիշերեցին կուսակցության գրասենյակում՝ արգելելով ոստիկաններին տանել Մելիային:
Այս իրադարձություններին հաջորդեց երկրի վարչապետի՝ Գիորգի Գախարիայի հրաժարականը, ով հիմնավորեց իր որոշումն այս հարցում իշխանական թիմի հետ ունեցած տարաձայնություններով:
Ըստ Վրաստանի սահմանադրության՝ երկրի խորհրդարանը նոր վարչապետ և կառավարության կազմ ընտրելու համար ուներ 2 շաբաթ ժամանակ:
Եթե խորհրդարանը սահմանված ժամկետում չկարողանար ձևավորել նոր կառավարություն, Վրաստանի նախագահը պարտավոր էր ցրել խորհրդարանը և նշանակել արտահերթ խորհրդարանական ընտրություններ:
Գախարիայի հրաժարականից կարճ ժամանակ անց իշխող «Վրացական երազանք» կուսակցությունը հայտարարեց վարչապետի նոր թեկնածուի անունը՝ Իրակլի Ղարիբաշվիլի: Հիշեցնենք, որ Ղարիբաշվիլին Վրաստանի վարչապետի պաշտոնը զբաղեցրել է նաև 2013-2015 թվականներին։
Արդեն փետրվարի 22-ին Վրաստանի խորհրդարանը հաստատեց նոր կառավարության կազմը:
Սակայն կառավարության փոփոխությունը, ինչպես տեսնում ենք, բավարար չէր բողոքի ալիքը հանդարտեցնելու համար: Ընդդիմադիրները շարունակում են պահանջել բոլոր քաղբանտարկյալների ազատ արձակում, Մելիայի հանդեպ քաղաքական հետապնդման դադարեցում և արտահերթ խորհրդարանական ընտրությունների անցկացում՝ այս ամենի համատեքստում հրաժարվելով դադարեցնել բողոքի ակցիաները:
Նշենք, որ Վրաստանում տեղի ունեցող զարգացումներին ամենայն ուշադրությամբ հետևում է նաև միջազգային հանրությունը: ՆԱՏՕ-ն, ԵՄ-ն, ԱՄՆ-ն մի քանի անգամ տարբեր մակարդակներով արձագանքեցին վրաստանյան զարգացումներին՝ կոչ անելով երկխոսության միջոցով հարթել բոլոր ներպետական խնդիրները:
Իրավիճակի կայունացման կարևորությունը գիտակցում են նաև Վրաստանի ներսում: Փորձագիտական շրջանակների կողմից բավական հաճախ է շրջանառվում այն թեզը, որ ներքաղաքական խնդիրների պատճառով Վրաստանը դուրս է մնում տարածաշրջանային զարգացումներից, հետևաբար՝ կայունությունն այսօր առավել քան կարևոր է:
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 62%
Քամի՝ 1,03 կմ/ժ