ԵՐԵՎԱՆ 23 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Թուրքիայում հրապարակել են Հրանտ Դինքի սպանության գործով դատավճիռը

Թուրքական ոստիկանության բարձրաստիճան երեք նախկին սպաներ ցմահ ազատազրկման են դատապարտվել 2007 թվականի հունվարին «Ակոս» թերթի գլխավոր խմբագիր Հրանտ Դինքի սպանության համար, հայտնում է Aysor.am-ը՝ հղում կատարելով Anadolu գործակալությանը: 

Ըստ մեղադրական եզրակացության՝ Դինքի սպանության մեջ ներգրավված էր ընդդիմադիր իսլամական քարոզիչ Ֆեթուլլահ Գյուլենի FETO կազմակերպությունը, որը համարվում է ահաբեկչական: Մեղադրանքը ԱՄՆ-ում բնակվող Գյուլենին հեռակա կարգով է ներկայացվել:

Գործակալության տվյալներով՝ Ստամբուլի դատարանը Տրապիզոնում Թուրքիայի անվտանգության ծառայության նախկին ղեկավար Ռամազան Աքյուրեքին, Ստամբուլի ոստիկանության հետախուզական ծառայության նախկին պետ Ալի Ֆուաթ Յըլմազերին և Ստամբուլի ոստիկանության հետախուզական ծառայության նախկին պետին մեղավոր է ճանաչել և դատապարտել ցմահ ազատազրկման:

Տրապիզոնի նախկին ոստիկանապետ Ալի Օզը դատապարտվել է 28 տարվա ազատազրկման: FETO-ի անդամ լինելու համար մեղադրվող լրագրող Էրքան Գյուն դատապարտվել է տասը տարվա ազատազրկման:

Ամբաստանյալներից ոմանք արդարացվել են:

Հիշեցնենք, որ Դինքը սպանվել է 2007-ի հունվարի 19-ին՝ 17-ամյա ազգայնական Օգյուն Սամասթի կողմից, Ստամբուլում իր թերթի խմբագրության մուտքի մոտ:

На русском

Ամենաընթերցվածը

օրվա

շաբաթվա

ամսվա

    Եղանակ
    Երևան
    Ամպամած
    Խոնավություն՝ 31%
    Քամի՝ 1,03 կմ/ժ
    22 C°
     
    26°  16° 
    21.04.2024
    25°  14° 
    22.04.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: