Ի՞նչ միջանցք, ինչի՞ համար. բացառված է. Սերժ Սարգսյան

Քաղաքացիներից մեկի հարցին՝ դե՞մ եք դրան, Սերժ Սարգսյանը պատասխանեց. «100 տոկոս»։

Որ տարածաշրջանում պետք է բացվեն կոմունիկացիաները, Սերժ Սարգսյանի խոսքով՝ այդտեղ խնդիր չկա.

«Բայց ի՞նչ միջանցքի մասին է խոսքը։ Մենք պարտակա՞ն ենք, պարտավո՞ր ենք իրենց միջանցք տալ․ ո՞ր թղթով, ո՞ր պայմանավորվածությամբ, ինչի՞ համար», - հարցադրում է արել ՀՀ երրորդ նախագահը։

Քաղաքացու դիտարկմանը, թե հնարավոր է՝ պայմանավորվածություն կա Ռուսաստանի, Թուրքիայի հետ, Սարգսյանն արձագանքել է․

«Ես այդպիսի պայմանավորվածության մասին տեղյակ չեմ, և եթե մենք սրանց ճանապարհենք, ես ձեզ վստահեցնում եմ՝ որևէ իշխանություն չի մտածի ինչ-որ միջանցքի մասին։ Միջանցքի մասին խոսք լինել չի կարող։ Միջանցքի վտանգն ի՞նչ է, հարց է առաջանում՝ ի՞նչ միջանցք, ո՞ւմ վերահսկողության տակ է լինելու։ Մենք ո՞նց կարող ենք մեր տարածքից ինչ-որ մի հատված առանձնացնել, ասել՝ այս հատվածը տալիս ենք այս մեկի վերահսկողության տակ։ Բացառված է»։