ԵՐԵՎԱՆ
ՀՀ ԿԲ -
  • USD - 483.94 դրամ +0,94 EUR - 512.2 դրամ +0,2 RUB - 7.88 դրամ +0,88 GBP - 595.54 դրամ +0,54
  • ՈՍԿԻ - 27 977,61 դրամ ԱՐԾԱԹ - 386,12 դրամ ՊԼԱՏԻՆ - 16 320,02 դրամ

Ամենայն լրջությամբ և պատասխանատվության բարձրագույն գիտակցությամբ պետք է կատարենք մեր ընտրությունը. Ասողիկ աբեղա Կարապետյան

Մայր Աթոռ Սուրբ Էջմիածնի Արխիվի և Թանգարանների տնօրեն Ասողիկ աբեղա Կարապետյանը գրում է. 

«Սիրելի ընկերներ, հետևորդներ,

քույրեր և եղբայրներ ի Քրիստոս,

Այս օրերին շատեր գրեցին, հարցրեցին, թե որպես հոգևորական ի՞նչ խորհուրդ կտամ, ի՞նչ ուղղորդում կանեմ՝ կապված առաջիկա արտահերթ ընտրությունների հետ:

Այո, մեծավ մասամբ չարձագանքեցի, ոչինչ չասացի: Սակայն այժմ որոշեցի այսպես՝ ընդհանրական կերպով պատասխանել ձեր դիմումներին:

Անվերապահորեն պետք է մասնակցենք ընտրություններին. դա քաղաքացիական պարտք է և բարոյական սխրանք: Հակառակ դեպքում հանցավոր ենք Հայրենի պետության առաջ և մեղավոր Արարիչ Աստծո առջև: Հետևաբար, տե՛ր լինենք մեր քվեին և սրբորեն կատարենք մեր պարտքն առ Հայրենիք և ևս մեկ առաքինական գործ գրանցենք Տիրոջ Կենաց մատյանում:

Իսկ գնալով թե ո՞ւմ ընտրենք՝ յուրաքանչյուրի գիտնալիքն է. ամեն մեկս ընտրելու ենք մեր խղճի մտոք, ընտրելու ենք նրան, ում մեր բանականությունը կընդունի և կվստահի: Հետևաբար, ամենայն լրջությամբ և պատասխանատվության բարձրագույն գիտակցությամբ պետք է կատարենք մեր ընտրությունը:

Վերջապես, սիրելիներ, այդ առավել քան երկու տասնյակ ընտրաթերթիկներից պետք է ընտրել այն մեկին, ով մեր անձնական պատկերացմամբ կդառնա այն ուժական մարմինը, որը հավասարակշռված ու խորագիտությամբ, արդարությամբ և նվիրումով կյանքի կկոչի մեր Ազգի արդար իղձերը, կշենացնի մեր Հայրենիքը, կպահպանի ազգային մեր ողջ ժառանգությունը, կպաշտպանի մեր հայ ինքնությունը և այդպես կկառուցի բարօր ու երջանիկ կյանքը մեր հայ ժողովրդյան:

Արդ, մի պահ կանգ առնենք, խաղաղ հոգով և պայծառ մտքով մեր հայացքը հառենք մեր անցյալի փառապանծ դեմքերին ու դեպքերին և նրանց արտացոլանքը դույզն ինչ տեսնելով այսօրվա ընտրելիներից մեր ընտրյալի մեջ՝ նրան տանք մեր ձայնը:

Հայաստանը և հայ ազգը հավիտենական են, մնում է, որ մենք հավատարիմ լինենք մեր լույսի, հույսի, հզոր Հայրենիքի գաղափարին, տեսիլքին և կերտմանը՝ որպես Ազգի հարազատ զավակներ:

Հայ հոգևորականի օրհնությունն անխտիր բաշխվում է ամեն մի հայի, սակայն ամեն հայորդի չէ, որ կարող է լինել առաջնորդ: Արդ, ձեր փակ, գաղտնի, միայն Տիրոջն ու ձեզ իմանալի ընտրությամբ առաջնորդության կոչեք ուժեղազուններին: Եվ թող աստվածային օրհնությունը լինի մեզ ամենքիս հետ և թող Ամենարդար Տերը մեզ լինի ապավեն ու օգնական»:

 


Ամենաընթերցվածը

օրվա

շաբաթվա

ամսվա

Եղանակ
Երևան

Խոնավություն՝ %
Քամի՝ կմ/ժ
0 C°
 
16°  27° 
02.08.2021
17°  30° 
03.08.2021
Հարցում

Գո՞հ եք Հայաստանում տեղի ունեցած ընտրությունների արդյունքներից: