ԵՐԵՎԱՆ 9 C°
ՀՀ ԿԲ -
  • USD - 396.02 դրամ +0,02 EUR - 431.27 դրամ +0,27 RUB - 5.71 դրամ +0,71 GBP - 490.04 դրամ +0,04
  • ՈՍԿԻ - - դրամ ԱՐԾԱԹ - - դրամ ՊԼԱՏԻՆ - - դրամ

Իրանը երբևէ միջուկային զենք չի ունենա իմ նախագահության օրոք. Բայդեն

Միացյալ Նահանգները թույլ չի տա, որ Իրանը միջուկային զենք ունենա։ Այս մասին երկուշաբթի հայտարարել է ԱՄՆ նախագահ Ջո Բայդենը Իսրայելի նախագահ Ռեուվեն Ռիվլինի հետ Սպիտակ տանը կայանալիք բանակցություններից առաջ, տեղեկացնում է ՏԱՍՍ-ը։

«Իրանը երբևէ միջուկային զենք չի ունենա իմ նախագահության օրոք»,- նշել է վաշինգտոնյան վարչակազմի ղեկավարը՝ հայտարարելով, որ Իրանի շուրջ իրավիճակը կքննարկի Ռիվլինի հետ։

ԱՄՆ նախագահը նաև ընդգծել է, որ իր պարտավորություններն Իսրայելի հանդեպ «անփոփոխ» են և որ ինքը «անսասան» հավատարիմ է հրեական պետության ինքնապաշտպանությանը։ Սպիտակ տան ղեկավարը աջակցություն է հայտնել Աֆրիկայի և Մերձավոր Արևելքի կողմից Իսրայելի հետ հարաբերությունների կարգավորմանը։ «Եվ բացի այս կարևոր գործընթացից, մենք մեծ հույս ունենք ստեղծելու խաղաղության և կայունության ավելի լայն դաշինք։ Միացյալ Նահանգները և Իսրայելը մտադիր են շարունակել համատեղ աշխատանքը տարածաշրջանում խաղաղության և կայունության ամրապնդման ուղղությամբ»,- ընդգծել է ԱՄՆ նախագահը։

Նա ասել է, որ «շատ շուտով» Վաշինգտոնում կընդունի Իսրայելի նոր վարչապետ Նաֆթալի Բենեթին։ Պատասխանելով հարցին, թե կայցելի արդյոք ինքը՝ նախագահն Իսրայել, Բայդենն ընդգծել է. «Ճշգրիտ ժամկետ չունեմ, բայց կմեկնեմ (Իսրայել)»։

Ռավլինը նշել է, որ Իսրայելն ավելի լավ դաշնակից չունի, քան Միացյալ Նահանգները, և որ դեմոկրատական արժեքները կապում են երկու երկրները։ «Դուք մեր լավ բարեկամներն եք, մենք լավ բարեկամներ ենք, և կապերը Իսրայելի ու Ամերիկայի ժողովուրդների միջև հիմնված են այն ըմբռնման վրա, որ մենք կիսում ենք դեմոկրատիայի և լիբերալիզմի արժեքները»,- ավելացրել է Իսրայելի նախագահը։

այլ նյութեր այս թեմայով


Ամենաընթերցվածը

օրվա

շաբաթվա

ամսվա

    Եղանակ
    Երևան
    Արևոտ
    Խոնավություն՝ 37%
    Քամի՝ 0 կմ/ժ
    11 C°
     
    16°   
    29.03.2024
    20°   
    30.03.2024
    Հարցում

    Ի՞նչ եք կարծում՝ մե՞ծ է արդյոք ռազմական գործողություններին Իրանի մասնակցության հավանականությունը: