Ադրբեջանի դեսպանությունը փորձել է խափանել Վաշինգտոնում արցախյան պատերազմի մասին պատմող ֆիլմի ցուցադրությունը

• 21.10.2021, 12:41
•  Ամերիկա,  Աշխարհ,  ԼՂՀ

ԱՄՆ-ում Ադրբեջանի դեսպանությունը փորձել է խափանել վավերագրող կինոռեժիսոր, Բրիտանական թագավորական ծովային հետևակային նախկին հրամանատար Էմիլ Գեսսենի՝ արցախյան պատերազմի մասին պատմող վավերագրական՝ «45 օր - պայքար հանուն ազգի»,  ֆիլմի ցուցադրությունը Վաշինգտոնում, փոխանցում է Panorama.am-ը: 

Ադրբեջանի դեսպանությունը ցուցադրությունից առաջ զանգահարել է թատրոն՝ պնդելով, որ չեղարկեն միջոցառումը՝ նշելով, որ եթե չչեղարկեն, թատրոնի հեղինակությունը կտուժի։

Թատրոնը մերժել է դեսպանատան պահանջները, որից հետո Ադրբեջանի դեսպանատունը վճարել է թատրոնի դիմաց էկրանով բեռնատար մեքենայի կայանման համար երեք ժամ` փորձելով վարկաբեկել վավերագրական ֆիլմը: Բեռնատարի էկրանին գրված է եղել՝ «արդյոք ֆիլմը ցույց տալու է՝ ինչպես են հայերը հարձակվում ադրբեջանցի քաղաքացիների վրա»։

Ի պատասխան այս քայլի՝ ֆիլմի ռեժիսոր Գեսսենը թվիթերում գրել է․ «Շնորհակալություն, ձեր բեռնատարն այս երեկո մեր ցուցադրությանն ուղարկելու համար, ինչպես նաև թատրոնին ահաբեկելու փորձերի՝ ցուցադրությունը դադարեցնելու համար: Հաջորդ անգամ, մի վատնեք ձեր գումարը, ես ձեզ համար անվճար տոմսեր ունեմ, և ներսում շատ ավելի տաք է»։

Thank you @azembassyus for sending your truck down to our screening this evening as well as trying to bully the theatre to stop the screening. Next time, don’t waste your money, I have free tickets for you and it’s much warmer inside. #45daysfilm #bullies #POTUS #WhiteHouse pic.twitter.com/ObWHVOsKEr

— Emile Ghessen (@emileghessen) October 20, 2021