Ռուսաստանի և ՆԱՏՕ-ի միջև հարաբերություններ չկան․ Լավրով

• 26.10.2021, 15:41
•  ԵԱՏՄ,  Ամերիկա,  Աշխարհ

Фото: Пресс-служба МИД РФ / ТАСС

Ռուսաստանի և ՆԱՏՕ-ի հարաբերությունները չի կարելի անվանել աղետալի, քանի որ դրանք պարզապես չկան, հայտարարել է ՌԴ ԱԳ նախարար Սերգեյ Լավրովը, հայտնում է «ՌԻԱ Նովոստի»-ն: 

«Ես Ռուսաստանի և ՆԱՏՕ-ի հարաբերությունները չէի անվանի աղետալի, քանի որ աղետալի լինելու համար պետք է ինչ-որ բան ունենալ: Մենք ՆԱՏՕ-ի հետ հարաբերություններ չունենք»,- ասել է Լավրովը՝ Նորվեգիայի արտգործնախարար Աննիկեն Հյուիտֆելդտի հետ բանակցություններից հետո կայացած մամուլի ասուլիսում:

ՌԴ ԱԳ նախարար Սերգեյ Լավրովը, մեկնաբանելով ՆԱՏՕ-ի ու Մոսկվայի վատ հարաբերությունները, ՆԱՏՕ-ի գլխավոր քարտուղար Յենս Ստոլտենբերգին իր ընկերն է անվանել։

«ՆԱՏՕ-ն Ռուսաստանի բարեկամը չէ, նրանք որոշեցին, որ չեն ցանկանում բարեկամ լինել (Ռուսաստանի հետ): Նրանք Ռուսաստանին և Չինաստանին անվանեցին սպառնալիք ՆԱՏՕ-ի համար: Իմ լավ ընկեր Յենս Ստոլտենբերգը, ով Նորվեգիայի մեծ վարչապետն էր, այժմ. ասում է, որ ՆԱՏՕ-ն պետք է պատասխանատու լինի ողջ աշխարհի անվտանգության համար»,- ասել է Լավրովը։