Հայաստանը հաջողությամբ է դուրս եկել քաղաքական լուրջ ճգնաժամից. ԵԽԽՎ զեկուցողներ
«Հայաստանը հաջողությամբ է դուրս եկել Լեռնային Ղարաբաղի հակամարտության հետևանքով առաջացած լուրջ քաղաքական ճգնաժամից, որն ինքնին իսկական հաջողություն է»,- ասել են Կիմմո Կիլյունենը (Ֆինլանդիա, SOC) և Բորիանա Աբերգը (Շվեդիա, EPP/CD), Եվրախորհրդի Խորհրդարանական վեհաժողովի (ԵԽԽՎ) Հայաստանի պարտավորությունների և պարտականությունների մոնիտորինգի զեկուցողները, հայտնում է 1lurer.am-ը։
Նրանք ելույթ են ունեցել 2021 թվականի նոյեմբերի 3-5-ը Հայաստան կատարած այցի ավարտին: «Ճգնաժամը լուծվեց արտահերթ ընտրությունների անցկացմամբ՝ կազմակերպված ժողովրդավարական ձևով, չնայած խիստ բևեռացված միջավայրին»,- ավելացրել են եվրոպացի պատգամավորները՝ տեղեկացնում է ԵԽԽՎ կայքը:
«Այդ բևեռացումը, ցավոք, առկա է Ազգային ժողովում և չի նպաստում խորհրդարանական ճիշտ մշակույթի կայացմանը, որտեղ մեծամասնությունն ու ընդդիմությունը կառուցողական և հարգալից ձևով դիմակայում են միմյանց՝ հետևելով հստակ ընդգծված ու տարբերվող քաղաքական կողմնորոշումներին: Մյուս կողմից, պարզ է, որ կառուցվում են ինստիտուցիոնալ հավասարակշռություններ և որոշակի հակակշիռներ, ինչպիսին Մարդու իրավունքների պաշտպանն է: Մենք կարող ենք միայն խրախուսել Հայաստանի իշխանություններին՝ շարունակելու այս ճանապարհը և, անհրաժեշտության դեպքում, ապահովելու այլ ինստիտուտների անկախությունը, ինչպիսին է Կոռուպցիայի կանխարգելման հանձնաժողովը, օրինակ՝ դրան տալով սահմանադրական կարգավիճակ:
Մենք քաջ գիտակցում ենք, որ հայ բնակչության և իշխանությունների վստահությունը դատական համակարգի նկատմամբ ցածր է, և դա շարունակվում է արդեն մի քանի տարի։ Եթե դատական համակարգի բարեփոխումն անհրաժեշտ է, այն պետք է կատարվի եվրոպական չափանիշներին համապատասխան: Դա մասնավորապես վերաբերում է դատավորների պաշտոնավարության, անվտանգության երաշխիքի սկզբունքին, այնպիսի մթնոլորտի ստեղծմանը, որտեղ պահպանվում է նրանց պաշտոնի արժանապատվությունը, նրանց բարեխղճությունը չի ենթարկվում կոլեկտիվ ու հրապարակային կասկածի։
Ինչ վերաբերում է ԶԼՄ-ներին, ապա մենք տեղյակ ենք, որ Լեռնային Ղարաբաղի հակամարտությունից հետո Հայաստանի իշխանությունները բախվում են ապատեղեկատվության և ատելության խոսքի աննախադեպ մակարդակի։ Դա բացատրում է խոսքի ազատության շրջանակը խստացնելու նրանց պատրաստակամությունը՝ վիրավորանքի համար տուգանքներն ավելացնելու կամ «լուրջ վիրավորանքները» քրեականացնելու միջոցով, ինչպես դա արեցին մարտին և հուլիսին։ Այնուամենայնիվ, բացառիկ կանխարգելիչ պատժամիջոցներից բացի կան նաև այլ միջոցներ, և մենք կոչ ենք անում Հայաստանի իշխանություններին մշակել համապարփակ միջնաժամկետ և երկարաժամկետ ռազմավարություն, որը կլուծի լրատվամիջոցների սեփականության թափանցիկությանը, դրանց հնարավոր կենտրոնացմանը, լրագրողների անկայուն կարգավիճակին և ինքնակարգավորման մեխանիզմներին վերաբերող հարցերը. խնդիրներ, որոնք ուղղակիորեն կապված են լրատվական ոլորտում ատելության խոսքի տարածման հետ։
Հայաստանը Լեռնային Ղարաբաղի հակամարտությունից անվնաս դուրս չի եկել: Մեր այցը սահմանամերձ Երասխ հիշեցրեց, որ խաղաղության համապարփակ համաձայնագրի բացակայության պայմաններում վտանգավոր իրավիճակը պահպանվում է, իսկ խաղաղ բնակիչները թանկ են վճարում դրա համար: Այնուամենայնիվ, դժվար պայմաններում Հայաստանը կարողացել է շարունակել առաջընթացը ժողովրդավարության, օրենքի գերակայության ու մարդու իրավունքների ճանապարհով, և դա ողջունելի է»,- եզրափակել են եվրոպացի պատգամավորները։
-
16:17
ՀԱՐԳԵԼԻ՛ ԸՆԹԵՐՑՈՂ
-
16:16
Հանրապետությունում առաջիկա օրերին օդի ջերմաստիճանն աստիճանաբար կնվազի 8-10 աստիճանով
-
16:11
Հոկտեմբերի 7-ին ԱՊՀ-ի ոչ պաշտոնական գագաթնաժողով նախատեսված չէ. Պեսկով
-
16:10
Ադրբեջանի ԶՈՒ կրակի հետևանքով հայկական կողմում կան տուժածներ․ ՀՀ ՊՆ
-
16:00
ԼՂ-ից բռնի տեղահանված առանց ուղեկցողի մնացած 20 երեխա և 216 տարեց գտնվում են ՀՀ աշխատանքի և սոցիալական հարցերի նախարարության հոգածության ներքո
-
15:30
Իրանը կողմ է տարածաշրջանի համար շահավետ տրանսպորտային հաղորդակցությունների զարգացմանը, սակայն ոչ՝ միջազգային սահմանների փոփոխությանը
-
15:10
Պետք է միջոցներ ձեռնարկել Ադրբեջանի կողմից սպառնալիքները կասեցնելու համար. իսպանացի պատգամավորը Գորիսում է
-
14:54
Ադրբեջանի ԶՈՒ-ն կրակ է բացել Կութի հատվածում տեղակայված հայկական դիրքերի անձնակազմի համար սնունդ տեղափոխող մեքենայի ուղղությամբ
-
14:46
Մեր երկրները միևնույն մարտահրավերներն ունեն. կիպրոսցի խորհրդարանականը՝ Ալեն Սիմոնյանին
-
12:00
Ֆրանսիայի ԱԳ նախարարը կայցելի Հայաստան
-
11:30
Սամվել Շահրամանյանն ու մի խումբ պատասխանատուներ կմնան ԼՂ-ում՝ մինչև որոնողափրկարարական աշխատանքների ավարտը
-
11:03
ՄԱԿ-ի առաքելությունը շատ, շատ, շատ օգտակար է Արցախի անապատում. Ժան-Քրիստոֆ Բյուսոն
-
10:43
Ադրբեջանի փոխվարչապետն այսօր կմեկնի Ստեփանակերտ
-
10:07
Սենատոր Գարի Փիթերսը ներկայացրել է օրինագիծ, որն արգելում է ԱՄՆ օգնությունն Ադրբեջանին
-
09:38
Խումբն Արցախում կմնա` մինչև զոհվածների աճյունների ու անհետ կորածների որոնողափրկարարական աշխատանքների ավարտը. Թադևոսյան
-
20:26
Ժամը 18։00-ի դրությամբ ԼՂ-ից բռնի տեղահանված 100․480 անձ արդեն Հայաստանում է
-
19:54
Ադրբեջանի պաշտպանության նախարարությունն ապատեղեկատվություն է տարածել
-
15:25
Օդի ջերմաստիճանը կնվազի 7-10 աստիճանով, սպասվում է անձրև և ամպրոպ
-
13:16
Միացյալ Թագավորությունը 1 միլիոն ֆունտ ստեռլինգ կհատկացնի՝ աջակցելու Լեռնային Ղարաբաղից բռնի տեղահանվածներին
-
12:25
Հայաստան է ժամանել բռնի տեղահանված 100 հազար 417 արցախցի
օրվա
շաբաթվա
ամսվա
Խոնավություն՝ 38%
Քամի՝ 0,51 կմ/ժ