Չճշտված տվյալների համաձայն՝ ավելի մեծ թվով զինվորներ են գերեվարվել նոյեմբերի 16-ին. ՀՀ վարչապետ

• 23.11.2021, 21:19
•  Աշխարհ,  Հայաստան

Չճշտված տեղեկությունների համաձայն՝ այդ զինծառայողները գերեվարվել են, ասուլիսին ասել է վարչապետ Նիկոլ Փաշինյանը՝ անդրադառնալով Սյունիքում 24 զինծառայողի ճակատագրին, որոնց հետ կապը նոյեմբերի 16-ին կորել էր, փոխանցում է Այսօր-ը: 

«Չճշտված տվյալների համաձայն՝ ավելի մեծ թվով զինվորներ են գերեվարվել։ Մի մասը, որ մենք մտածում էինք, որ զոհված է, իրականում գերեվարված է», - ասել է Փաշինյանը։

Նա նշել է ևս մեկ անգամ, որ սա չճտված տեղեկությունների համաձայն է.

«Չնայած ես հասկանում եմ, որ այքան էլ տեղին չէ այդպես ասել, բայց ես չեմ ուզում հարցը լղոզել։ Ունենք հաստատված 6 զոհ, 24+8 գերեվարված, բայց էս տվյալներն էլի վերջնական ճշգրտման անհրաժեշտություն ունեն։ Կա նաև հետևյալ տվյալը, որ գերեվարվածների մեջ կան վիրավորներ, որոնցից առնվազն մեկը թեթև վիրավոր չի եղել։ Գերեվարվել է մի իրավիճակում, երբ ինքը չէր կարող դիմադրել»։

Փաշինյանն ասել է, թե նրանց վերադարձի ուղղությամբ շատ ինտենսիվ աշխատում են։