Ռուսաստանի նախագահ Վլադիմիր Պուտինը հայտարարել է, որ Հավաքական անվտանգության պայմանագրի կազմակերպության (ՀԱՊԿ) խաղաղապահ ուժերը Ղազախստանում կատարել են իրենց առաջադրանքը, ուստի այժմ պետք է տուն վերադառնան, փոխանցում է ՏԱՍՍ գործակալությունը:
«Ընդհանուր առմամբ, մենք պետք է տուն վերադառնանք, մենք կատարել ենք մեր խնդիրը», - հինգշաբթի օրը հայտարարել է պետության ղեկավարը Ռուսաստանի պաշտպանության նախարար Սերգեյ Շոյգուի հետ հանդիպմանը։
Պուտինը շնորհակալություն է հայտնել գերատեսչության ղեկավարին, «Գլխավոր շտաբին, բոլոր նրանց, ովքեր ղեկավարել են օպերացիան այս աշխատանքի համար»։ «Ուզում եմ հույս հայտնել, որ մեր զինված ուժերի օգտագործման այս պրակտիկան ավելի կուսումնասիրվի, ճշգրտումներ կկատարվեն, եթե դրանք անհրաժեշտ լինեն, գործնական աշխատանքում»,- հավելել է նախագահը։