Աթենքը մերժում է Անկարայի պահանջները՝ Էգեյան ծովում հունական կղզիների ապառազմականացման վերաբերյալ, ինչպես նաև Թուրքիայի միակողմանի առարկությունները Միջերկրական ծովի արևելյան մասում մայրցամաքային շելֆի դելիմիտացիայի դեմ, որոնք անտեսում են միջազգային իրավունքի, այդ թվում՝ միջազգային ծովային իրավունքի հիմնարար նորմերը: Այս մասին հինգշաբթի հայտարարել է հանրապետության ԱԳՆ պաշտոնական ներկայացուցիչ Ալեքսանդրոս Պապաիոաննուն, փոխանցում է ՏԱՍՍ-ը:
«Ինչ վերաբերում է Էգեյան ծովում [հունական] կղզիների [ապառազմականացված] կարգավիճակի վերաբերյալ թուրք պաշտոնյաների վերջին պահանջներին, ապա մենք լիովին մերժում ենք դրանք։ Այս առարկությունները ոչ միայն չեն համապատասխանում միջազգային իրավունքի հիմնական սկզբունքներին, այլև դուրս են գալիս պարզ տրամաբանությունից: Հունաստանի դիրքորոշումն այս հարցում բազմիցս և հրապարակայնորեն արտահայտվել է։ ՄԱԿ-ում Հունաստանի մշտական ներկայացուցչի կողմից համապատասխան նամակ է ուղարկվել այս կազմակերպության գլխավոր քարտուղարին»,- ասել է Պապաիոաննուն: