Մայիսի 16-18-ը Վրաստանի արտգործնախարար Իլյա Դարչիաշվիլին աշխատանքային այցով կմեկնի Բրյուսել, որտեղ կքննարկի լրացված հարցաշարը, որը հանրապետությունը ստացել է Եվրամիությանն անդամակցելու վերաբերյալ քննարկում սկսելու համար։ Այս մասին շաբաթ օրը հայտնել են Վրաստանի ԱԳՆ մամուլի ծառայությունում, փոխանցում է ՏԱՍՍ-ը:
«Վրաստանի արտգործնախարար Իլյա Դարչիաշվիլին այս տարվա մայիսի 16-18-ը աշխատանքային այցով կմեկնի Բրյուսել։ Իլյա Դարչիաշվիլին կհանդիպի ԵՄ երկրների արտգործնախարարների հետ, որոնք հավաքվելու են Բրյուսելում՝ ԵՄ արտաքին գործերի խորհրդի նիստին։ Հանդիպումների ընթացքում կքննարկվեն եվրաինտեգրման օրակարգը, վրացական կողմից Եվրահանձնաժողովի հարցաթերթիկը լրացնելու հետ կապված հարցեր»,- ասված է հաղորդագրության մեջ։