Ֆրանսիայի պառլամենտական ընտրությունների արդյունքներով 4 ֆրանսիահայ կլինեն ԱԺ-ում։ Այս մասին հայտնում են ՀՅԴ Արևմտյան Եվրոպայի Կենտրոնական կոմիտեից, փոխանցում է Armenia Today-ը։
«Ֆրանսայի խորհրդարանական ընտրութիւնները, որոնք ըստ օրինի կատարուեցան երկու հանգրուանով, աւարտեցան Կիրակի 19 Յունիսին:
Ֆրանսայի Հայ Դատի բարեկամ թեկնածուները, որոնք կը վայելէին ՀՅԴ Հայ Դատի Յանձնախումբին զօրակցութիւնը, մեծաւմասամբ արձանագրեցին յաջողութիւն, մինչ թրքամէտ և ազերիամէտ համարեայ բոլոր թեկնածուները, որոնց դէմ զուգահեռաբար հակաքարոզչական կազմակերպուած աշխատանք տարուած էր, կրեցին ծանր պարտութիւն: Նշենք, որ յառաջիկայ հինգ տարիներուն համար, Ֆրանսայի Ազգային Ժողովին մաս կը կազմեն հայազգի չորս պատգամաւորներ՝ Սարա Թանզիլի, Կիյոմ Գասպարեան, Տիտիէ Փարաքեան և Աստղիկ Փանոսեան-Պուվէ, որոնց կը մաղթենք ամենայն յաջողութիւն:
Յատուկ շնորհակալութիւն կը յայտնենք նաև ընթացաւարտ հնգամեակի պատգամաւոր Տանիէլ Ղազարեանին, որ ունեցաւ փայլուն ու արժանապատիւ գործունէութիւն և միշտ գտնուեցաւ հայ համայնքի և Հայ Դատի կողքին, սատարելով բոլոր կարիքներուն:
Յատուկ շնորհաւորութեան արժանի է, անշուշտ, Սարա Թանզիլին, որ Ռոն-Ալփի շրջանէն ընտրուեցաւ պատգամաւոր՝ իշխող նախագահական կուսակցութեան ցանկով: Սարան Հայ Յեղափոխական Դաշնակցութեան անդամ է, փոքր տարիքէն մաս կազմած է Դաշնակցութեան ընտանիքին: Ան ունեցած է ազգային-կուսակցական նկատառելի գործունէութիւն, բայց մանաւանդ՝ Հայ Դատի ծիրէն ներս, իբրև Յանձնախումբի աշխուժ անդամ: Ան տնօրէնն է Տեսինի Հայ Մշակոյթի Կեդրոնին:
Վստահ ենք, որ Հայ Դատի զօրակցութիւնը վայելող բոլոր պատգամաւորները պիտի շարունակեն հայանպաստ իրենց դիրքորոշումները ցուցաբերել, այս անգամ՝ Ազգային Ժողովի բարձրագոյն ամպիոնէն»,-նշվում է հաղորդագրության մեջ։