Ռուսաստանի արտաքին հետախուզության ծառայությունը արձանագրում է ԱՄՆ-ի և Արևմուտքի այլ երկրների կողմից փորձեր, որոնք նպատակ ունեն ցավոտ կողմեր գտնել համագործակցության երկրներում հակամարտություններ հրահրելու նպատակով։ Այս մասին հայտնել է կառույցի ղեկավար Սերգեյ Նարիշկինը:
«Ապակառուցողական և պայթյունավտանգ գործունեության օրինակ է Ուկրաինայի իրավիճակը, որտեղ տասնամյակներ շարունակ խրախուսվում էր նացիոնալիզմն ու ռուսատյացությունը, ինչը ցավալի հետևանքների է հանգեցրել», - ասել է նա՝ պատասխանելով ՌԻԱ Նովոստիի հարցին Դուշանբե կատարած այցի ժամանակ։
Նարիշկինի խոսքով՝ դա հանգեցրել է նրան, որ «բարգավաճ Ուկրաինան» վերածվել է «բռնապետական և կոռումպացված պետության»։
«Հիմա մեր հատուկ ծառայությունների ընդհանուր խնդիրն է հակազդել արևմտյան երկրների ապակառուցողական գործողություններին մեր պետությունների տարածքում»,- հավելել է ՌԴ Արտաքին հետախուզության ծառայության ղեկավարը։