ԿԽՄԿ-ն Արցախից Հայաստան է տեղափոխել ևս երկու հիվանդի

Կարմիր խաչի միջազգային կոմիտեն Լեռնային Ղարաբաղից Հայաստան է տեղափոխել ևս երկու հիվանդի։ Տեղեկությունը Sputnik Արմենիային հայտնեց Հայաստանում Կարմիր խաչի միջազգային կոմիտեի հայաստանյան գրասենյակի հաղորդակցման և կանխարգելման ծրագրերի ղեկավար Զառա Ամատունին։

«ԿԽՄԿ-ն Հայաստան է տեղափոխել ևս 2 հիվանդի, որոնք բուժօգնության կարիք ունեն»,–ասաց Ամատունին:

Նրանց վիճակի մասին մանրամասներ նա չի հայտնել։

Հավելենք, որ Ադրբեջանի կողմից Լաչինի միջանցքի արգելափակումից ի վեր Կարմիր Խաչը Ստեփանակերտից տեղափոխել է 36 հիվանդի։