Հյուսիսատլանտյան դաշինքը կարծում է, որ Ռուսաստանը չի կատարել Ռազմավարական հարձակողական սպառազինությունների կրճատման և սահմանափակման մասին պայմանագրի (START) պայմանները և Մոսկվային կոչ է անում վերսկսել միջուկային զինանոցների ստուգումները, փոխանցում է ՏԱՍՍ-ը։
«Դաշնակիցները մտահոգությամբ նշում են, որ Ռուսաստանը չի կատարել «START» պայմանագրով նախատեսված իրավաբանորեն պարտադիր բնույթ կրող իր պարտավորությունները։
2022 թվականի օգոստոսից ի վեր ԱՄՆ-ի տեսչական գործունեությունը Ռուսաստանի տարածքում թույլ տալուց հրաժարվելը խոչընդոտում է ԱՄՆ-ի կարևոր իրավունքների իրականացմանը՝ համաձայն այս պայմանագրի և խաթարում է Միացյալ Նահանգների կարողությունը՝ պատշաճ կերպով ստուգելու Ռուսաստանի կողմից պայմանագրի սահմանափակումների համապատասխանությունը»,- ասվում է դաշինքի ուրբաթ օրը տարածած հաղորդագրության մեջ:
ՆԱՏՕ-ի երկրները «կոչ են արել Ռուսաստանին կատարել այս պայմանագրով ստանձնած բոլոր պարտավորությունները»։