Մեծ Բրիտանիան և ԵՄ-ն համաձայնության են եկել փոփոխել Հյուսիսային Իռլանդիայի վերաբերյալ արձանագրությունը, որը ստորագրվել է Brexit-ի համաձայնագրի շրջանակներում: Համաձայնագրով նախատեսվում է Հյուսիսային Իռլանդիայի հետ անխոչընդոտ առևտուր իրականացնել: Այս մասին երկուշաբթի օրը Վինձորում կայացած մամուլի ասուլիսում հայտարարել է Մեծ Բրիտանիայի վարչապետ Ռիշի Սունակը, փոխանցում է ՏԱՍՍ-ը:
«Այս համաձայնագիրը ապահովում է ապրանքների անխոչընդոտ տեղաշարժը Միացյալ Թագավորության ներսում»,- ասել է նա՝ պարզաբանելով, որ Օլսթերի համար նախատեսված ապրանքները տարածաշրջանի խանութներ կմտնեն «նոր կանաչ միջանցքով», իսկ ԵՄ համար նախատեսված ապրանքները «առանձին կարմիր միջանցքով»։
Նրա խոսքով՝ սա նշանակում է, որ այն ապրանքները, որոնք հասանելի են Մեծ Բրիտանիայի սուպերմարկետներում, հասանելի են լինելու նաև Հյուսիսային Իռլանդիայի սուպերմարկետներում: