Ադրբեջանում Իրանի օգտին լրտեսության կասկածանքով 16 մարդ է ձերբակալվել: Այս մասին հայտնել Է ՌԻԱ Նովոստին՝ վկայակոչելով Trend–ին։
Ադրբեջանի ՆԳՆ-ից հայտնել են, որ երկրում շարունակվում են իրանական լրտեսական ցանցերի բացահայտման հետ կապված գործողությունները:
Այս տարվա հունվարի վերջին Ադրբեջանի ՆԳՆ-ից SalamNews լրատվական գործակալությանն ու Բաքվի Interaz հեռուստաալիքին հայտնել էին, որ հատուկ գործողություն են սկսել իրանական գործակալական ցանցի դեմ: Որպես կասկածյալ ձերբակալվել էր 7 մարդ։ Մի քանի օր անց ոստիկանությունը հայտնել էր ևս 39 մարդու ձերբակալության մասին, որոնց մեղադրանք է առաջադրվել Իրանի օգտին դիվերսիոն գործունեություն ծավալելու համար, փոխանցում է Սպուտնիկ Արմենիան։