Վաշինգտոնը մտադիր է դիվանագիտական ուղիներով Մոսկվային իր անհանգստությունը հայտնել Սև ծովի վրայով ամերիկյան անօդաչու թռչող սարքի (ԱԹՍ) ռուսական կործանիչի կողմից որսալու կապակցությամբ։ Մեծ Բրիտանիայի կառավարությունը առաջիկա հինգ տարիների ընթացքում կավելացնի պաշտպանական բյուջեն 11 միլիարդ ֆունտ ստեռլինգով (13,3 միլիարդ դոլար)՝ 2025 թվականին այն հասցնելով ՀՆԱ-ի գրեթե 2,25 տոկոսի: Այս մասին չորեքշաբթի օրը հայտարարել է Միացյալ Թագավորության ֆինանսների նախարար Ջերեմի Հանթը՝ ելույթ ունենալով խորհրդարանում բյուջետային ուղերձով, փոխանցում է ՏԱՍՍ-ը:
«Այսօր, մեր պաշտպանության նախարարի [Բեն Ուոլեսի] բացատրություններից հետո, ով գիտի ինչպես համոզել, ես հաստատում եմ, որ մենք առաջիկա հինգ տարիների ընթացքում մեր պաշտպանական բյուջեին կավելացնենք ընդհանուր առմամբ 11 միլիարդ ֆունտ ստերլինգ, և մինչև 2025 թվականը այն կկազմի ՀՆԱ-ի գրեթե 2,25 տոկոսը», - ասել է Հանթը: