Արևմուտքը պետք է պատրաստվի երկարատև հակամարտության Ուկրաինայում, քանի որ դրա կարգավորման հեռանկար առայժմ չի նկատվում։ Այսպիսի կարծիք է հայտնել ՆԱՏՕ-ի գլխավոր քարտուղար Յենս Սթոլտենբերգը The Guardian բրիտանական թերթի հարցազրույցում, փոխանցում է ՏԱՍՍ-ը։
Նրա խոսքով՝ հակամարտությունն Ուկրաինայում կարելի է անվանել «հյուծման պատերազմ»։ Սթոլտենբերգը կարծիք է հայտնել, որ Ռուսաստանի ղեկավարությունը «խաղաղություն չի նախատեսում»։ Գլխավոր քարտուղարը նշել է, որ Արևմուտքի երկրները պետք է ավելացնեն արտադրական հզորություններն Ուկրաինա նոր զինամթերքներ և սպառազինություն ուղարկելու համար։ «Զինամթերքների ծախսի ընթացիկ նորմն ավելի բարձր է, քան արտադրության ընթացիկ արագությունը»,- ավելացրել է նա։
Բացի այդ, Սթոլտենբերգն ընդգծել է, որ արևմտյան երկրները պետք է ավելի շատ միջոցներ հատկացնեն իրենց պաշտպանությանը։ «Հուլիսին Վիլնյուսի մեր գագաթաժողովում ես ակնկալում եմ, որ դաշնակիցները կհամաձայնեն ավելի հավակնոտ պաշտպանական ներդրումների (ՀՆԱ-ի առնվազն 2 տոկոսը) պարտավորություն վերցնել»,- նշել է նա։